தல'59-ன் டைட்டில், பர்ஸ்ட் லுக் போஸ்டர் வெளியானது!
தல’-59 படத்தின் டைட்டில் மற்றும் பர்ஸ்ட் லுக் போஸ்டர் அதிகாரப்பூர்வமாக வெளியிடப்பட்டுள்ளது
சென்னை: ‘தல’-59 படத்தின் டைட்டில் மற்றும் பர்ஸ்ட் லுக் போஸ்டர் அதிகாரப்பூர்வமாக வெளியிடப்பட்டுள்ளது.
சிறுத்தை சிவா இயக்கத்தில் தல அஜித் நடித்த விஸ்வாசம் படம் பொங்கலுக்கு வெளியாகி பட்டி தொட்டி எங்கும் பட்டையை கிளப்பியது. இதையடுத்து, தீரன் அதிகாரம் படத்தை இயக்கிய எச்.வினோத் இயக்கும் படத்தில் நடிக்கிறார் அஜித்.
இந்த படத்தை மறைந்த நடிகை ஸ்ரீதேவியின் கணவர் போனி கபூர் தயாரிக்கிறார். யுவன்சங்கர்ராஜா இசையமைக்கிறார். இப்படம் ஹிந்தியில் மிகப்பெரும் ஹிட் அடித்த பிங்க் படத்தின் தமிழ் ரீமேக் ஆகும். ஆனால் முழுக்க முழுக்க வித்தியாசமாக தமிழ் திரைப்படங்களின் பாணியில் இப்படம் உருவாகி வருவதாக தகவல்கள் வெளியாகியுள்ளன.
With the blessings of Madam @SrideviBkapoor here is theTitle & 1st look of @nerkondapaarvai @thisisysr @ShraddhaSrinath @dhilipaction @ZeeTamil @DoneChannel1 @ProRekha @ZeeStudios_ pic.twitter.com/y8QS1HvNDf
— Suresh Chandra (@SureshChandraa) March 4, 2019
இந்நிலையில் ‘தல’59-ன் தலைப்பு மற்றும் பர்ஸ்ட் லுக் போஸ்டர் அதிகாரப்பூர்வமாக வெளியிடப்பட்டுள்ளது. படத்திற்கு “நேர்கொண்ட பார்வை” என பெயரிடப்பட்டுள்ளது. இதன் பர்ஸ்ட் லுக் போஸ்டரை தல ரசிகர்கள் கொண்டாடி வருகின்றனர்.
