‘பேட்ட’ வீடியோ லீக்: தனியார் டிவியை வறுத்தெடுத்த ரஜினி பட இயக்குநர்!
சூப்பர் ஸ்டார் ரஜினிகாந்த் நடித்து வரும் ‘பேட்ட’ படத்தின் ஷூட்டிங் ஸ்பாட் வீடியோஸ், ஃபோட்டோக்களை லீக் செய்ய வேண்டாம் என இயக்குநர் கார்த்திக் சுப்புராஜ் கேட்டுக் கொண்டுள்ளார்.
சென்னை: சூப்பர் ஸ்டார் ரஜினிகாந்த் நடித்து வரும் ‘பேட்ட’ படத்தின் ஷூட்டிங் ஸ்பாட் வீடியோஸ், ஃபோட்டோக்களை லீக் செய்ய வேண்டாம் என இயக்குநர் கார்த்திக் சுப்புராஜ் கேட்டுக் கொண்டுள்ளார்.
சன் பிக்சர்ஸ் தயாரிப்பில் உருவாகி வரும் ‘பேட்ட’ படத்தின் இரண்டாம் கட்ட ஷூட்டிங் வாரணாசியில் விறுவிறுப்பாக நடைபெற்று வருகிறது. சமீபத்தில் இப்படத்தின் ஷூட்டிங் ஸ்பாட் ஸ்டில்ஸ் மற்றும் வீடியோக்கள் சமூக வலைத்தளங்களில் லீக்காகி வைரலாகின.
இதனை பலரும் பகிரத் தொடங்கியதையடுத்து, படத்தின் மீதான எதிர்ப்பார்ப்பு காணாமல் போவதாக பலரும் சமூக வலைத்தளங்களில் விவாதித்து வந்தனர். இந்நிலையில், இதுபோன்ற வீடியோக்களை லீக் செய்வோருக்கும், சில ஊடகங்களுக்கும் இயக்குநர் கார்த்திக் சுப்புராஜ் கோரிக்கை வைத்துள்ளார்.
Kind request from #Petta team.. Pls do not share leaked stills or videos from shooting Spot..Need all your support ?
Shocked to see channels like @ThanthiTV are publishing leaked video as news.Guess next they would even telecast pirated movies as news… Completely Unethical..
— karthik subbaraj (@karthiksubbaraj) October 8, 2018
இது தொடர்பான அவரது ட்வீட்டில், ‘பேட்ட படக்குழு சார்பாக கேட்டுக் கொள்கிறேன். தயவு செய்து ஃபோட்டோ, வீடியோக்களை பகிராதீர்கள். உங்கள் ஆதரவு தேவை.
சில டிவி சேனலகள் லீக்கான வீடியோக்களை ஒளிபரப்புவதை பார்த்து அதிர்ச்சியடைந்தேன். அடுத்து, திருட்டுத்தனமாக வெளியான படங்களை கூட செய்தியாக ஒளிபரப்புவார்கள் போல. கொஞ்சம் கூட நெறிமுறையே இல்லை’ என்று கார்த்திக் சுப்புராஜ் ட்வீட்டியுள்ளார்.
