இன்று வெளியேறும் நபர் யார் ?.. சுவாரஸ்யம் நிறைந்த பிக்பாஸ் 4

பிக்பாஸ் 4 நிகழ்ச்சி அடுத்த வாரத்துடன் முடிய உள்ளது. இதனால் பிக்பாஸ் நிகழ்ச்சிக்கான ரசிகர்களின் கூட்டம் நாளுக்கு நாள் அதிகமாகிக் கொண்டுதான் செல்கிறது. இதற்கு மிக முக்கிய காரணம் இந்த நிகழ்ச்சியின் சுவாரஸ்யம் குறையாத தன்மை தான்.

வாராவாரம் பிக்பாஸ் வீட்டில் இருந்து ஒருவரை வெளியேற்றுவதற்காக, வாரத்தின் முதல் நாளான திங்கட்கிழமை நாமினேஷன் ப்ராசஸ் நடைபெறும். அதுமட்டுமில்லாமல், இந்த வாரம் நடைபெற்ற நாமினேஷன் தான் பிக் பாஸ் 4 வீட்டின் கடைசி நாமினேஷன்.

வாரம் தோறும் சனி மற்றும் ஞாயிற்றுக் கிழமைகளில் நடிகர் கமல்ஹாசன் ஹவுஸ்மேட்ஸ்களை சந்தித்து வருவது வாடிக்கையாக உள்ளது. அந்த வகையில் சனிக்கிழமையான இன்று நிகழ்ச்சியின் தொகுப்பாளரான நடிகர் கமல்ஹாசன் ஹவுஸ்மேட்ஸ்களை சந்திக்கிறார். இதற்கான முதல் புரமோ வெளியாகியுள்ளது.

தொடர்ந்து பேசும் கமல், என்ன செஞ்சுட்டாங்க இவங்க? என்ன தகுதி இருக்கு இவங்களுக்கு இங்கே வர? எதன் அடிப்படையில் இவங்களுக்கு ஓட்டுப்போடுவாங்க? அப்படிங்கிற கேள்வி பலருக்கும் இருப்பதை நான் உணருகிறேன். அதற்கான பதிலை வீட்டிற்குள் இருக்குறவங்க சொல்லியிருக்காங்க. இறுதிப் போட்டிக்கு இன்னும் ஒருவாரம்தான் இருக்கிறது. அதற்கு முன்பாகவே ஒருவர் வெளியேற வேண்டும். அது யார்? இன்று இரவு.. என முடித்துள்ளார்.

இதனை பார்த்த ரசிகர்கள், இன்று இரவே தெரிந்து விடுமா? என்றும் அப்போது இந்த வாரம் டபுள் எவிக்ஷனா என்றும் கேட்டு வருகின்றனர். அடுத்த ஞாயிற்றுக் கிழமை அதாவது 17 ஆம் தேதி பிக்பாஸ் ஃபினாலே நடைபெற உள்ள நிலையில் தற்போது வரை பிக்பாஸ் வீட்டில் 7 போட்டியாளர்கள் உள்ளனர். இந்நிலையில் இன்றைய புரமோ ரசிகர்கள் மத்தியில் பல்வேறு எதிர்பார்ப்பை ஏற்படுத்தியுள்ளது.