நரிக்குறவர் இனத்தை சேர்ந்த பாசிமணி, ஊசி வியாபாரி சிங்காரம் என்கிற யோகி பாபு, தனது சமூக மக்களின் இருப்பிடம், அடையாள ஆவணங்கள், அரசின் நலத்திட்ட உதவிகள் கிடைக்காத நிலையில், அதற்காக நீதி கேட்டு போராடுகிறார். அவருக்கு ஊர் பெரிய மனிதர் வேல.ராமமூர்த்தி உதவுகிறார். அதை எம்எல்ஏ மாரிமுத்து மற்றும் படவா கோபி, சென்ராயன் கோஷ்டி தடுத்து பிரச்னை செய்கிறது.
இந்நிலையில், அவமானம் தாங்க முடியாமல் யோகி பாபுவின் தந்தை எம்.எஸ்.பாஸ்கர் தூக்கில் தொங்குகிறார். அப்போது அவர் வாங்கியிருந்த அரசு லாட்டரியில் ஒன்றரை கோடி ரூபாய் பரிசு விழுகிறது. அதை வைத்து தேர்தலில் போட்டியிடும் யோகி பாபுவின் நிலை என்ன ஆனது என்பது மீதி கதை. புதுச்சேரியில் நடந்த ஒரு உண்மை சம்பவத்தை மையமாக வைத்து, நரிக்குறவர் இன மக்களின் வாழ்க்கை போராட்டத்தை யதார்த்தமாகவும், சிந்திக்கும் வகையிலும் சொல்லியிருக்கிறது படம்.
சமூக அக்கறையுடன் எழுதி இயக்கிய கே.வி.கதிர்வேலு பாராட்டுக்குரியவர். வழக்கமான காமெடியுடன் கூடிய குணச்சித்திர கேரக்டரில், முழு படத்தையும் தாங்கி நிற்கும் யோகி பாபு சிறப்பாக நடித்துள்ளார்

படப்பிடிப்பு தளங்களில் நடிகைகள் மற்றும் பெண் கலைஞர்களுக்கு இடையே அடிக்கடி ‘ஈகோ’ மோதல் ஏற்படுவதாக கூறப்படுகிறது. இந்நிலையில், கீர்த்தி சுரேஷுடன் இணைந்து நடித்துள்ள ‘அக்கா’ என்ற கிரைம் வெப்தொடரின் வெளியீட்டை முன்னிட்டு ராதிகா ஆப்தே பேட்டி அளித்துள்ளார். அவர் பேசுகையில், ‘படப்பிடிப்பு தளங்களில் பெண்கள் மோதிக்கொள்கிறார்கள் என்பது மிகவும் பழமையான சிந்தனை. நீண்ட நாட்களாக இந்த கேள்வியை நான் கேட்கவில்லை.
ஏனெனில், அது உண்மை இல்லை. பெண்களை விட ஆண்கள்தான் அதிக பாதுகாப்பற்ற உணர்வுடன் இருப்பதாக நான் நினைக்கிறேன். இது ஆணா அல்லது பெண்ணா என்பது பற்றியது அல்ல. மனிதர்களின் புரிதல் மற்றும் நட்புறவை சார்ந்தது. அனைவரிடமும் நெருங்கிய நண்பர்களாக மாறிவிட முடியாது. தொழில்முறையில் ஒருவருக்கு ஒருவர் கண்ணியமாக பழக முடியும். எங்கள் படப்பிடிப்பில் திரைக்கு முன்பும், பின்பும் சரிசமமாக பெண்கள் பணியாற்றினர். இதனால், அங்கு அழகான சகோதரத்துவ சூழ்நிலை ஏற்பட்டது’ என்றார்.

நிதேஷ் திவாரி இயக்கத்தில் 2 பாகங்களாக உருவாகியுள்ள ‘ராமாயணா’ என்ற படத்தின் முதல் பாகம், வரும் நவம்பர் 5ம் தேதி பல்வேறு மொழிகளில் திரைக்கு வருகிறது. ஐமேக்ஸ் திரைகளிலும் இப்படம் வெளியாகிறது. இதில் ராமராக ரன்பீர் கபூர், சீதையாக சாய் பல்லவி, லட்சுமணனாக ரவி துபே, ராவணனாக யஷ் நடித்துள்ளனர். ஆஸ்கர் விருது வென்ற ஏ.ஆர்.ரஹ்மான், ஹான்ஸ் ஜிம்மர் இணைந்து இசை அமைத்துள்ளனர். சமீபத்தில் இணையதளங்களில் வெளியான இப்படத்தின் பாடல்களுக்கு ரசிகர்கள் மத்தியில் கலவையான விமர்சனங்கள் எழுந்து பலத்த சர்ச்சையை ஏற்படுத்தியுள்ளது.

இதுகுறித்து ஏ.ஆர்.ரஹ்மான் அளித்த பேட்டியில், ‘ஒரே இடத்தில் நாம் தேங்கி நிற்க முடியாது. ஓடுகின்ற நதியை போல் தொடர்ந்து நகர வேண்டும். பல தலைமுறைகள் அறிந்த இந்தியாவின் கலாச்சார காவியமான ‘ராமாயணா’ என்ற படத்தில் பணியாற்றுவதை மிகப்பெரிய பெருமையாகவும், பொறுப்பாகவும் நினைக்கிறேன். ஆஸ்கர் விருது வென்ற 14 ஆண்டுகளுக்கு முன்பே ஹான்ஸ் ஜிம்மர், தன்னுடன் இணைந்து பணியாற்ற என்னை அழைத்தார்.

எப்போதுமே இணையதள கருத்துகளை நான் பின்தொடர்வது கிடையாது. எனது மகன் ஆமின், அந்த விமர்சனங்களை பற்றி என்னிடம் சொல்வான். ஆனால், நான் எனது வேலையை அதிக நேர்மையுடன் செய்துள்ளேன். மக்கள் இதை நிச்சயம் கொண்டாடுவார்கள்’ என்றார்.

சென்னையை அடுத்த கோவூர் பகுதியில் நடிகர் அஜித் குமாருக்கு 3,000 சதுர அடி பரப்பளவில் பிரம்மாண்டமாகத் தனிக் கோயில் கட்டத் திட்டமிட்டுள்ளதாக அவரது ரசிகர்கள் அறிவித்துள்ளனர். கோயிலுக்கான அறிவிப்பு வெளியாவதற்கு முன்னதாக, சென்னை மாங்காடு அடுத்த கோவூர் பகுதியில் அனைத்து நண்பர்கள் முன்னேற்றக் கழகம் என்ற அமைப்பின் சார்பில் செயற்குழுக் கூட்டம் நடைபெற்றது. இந்த அமைப்பின் தலைவரும் அஜித்தின் ரசிகருமான பாபு தலைமையில் நடந்த கூட்டத்தில், அஜித்தின் 5 அடி உயர முழு உருவச் சிலை ஒன்று திறந்து வைக்கப்பட்டது.

சிலையைத் திறந்து வைத்த ரசிகர்கள், அதற்கு மாலை அணிவித்து, 108 தேங்காய்களை உடைத்து, பாலாபிஷேகம் மற்றும் கற்பூர ஆரத்தி காட்டி தங்களது அன்பை வெளிப்படுத்தினர். சிலை திறப்பு விழாவைத் தொடர்ந்து செய்தியாளர்களிடம் பேசிய அந்த அமைப்பின் தலைவர் பாபு, ‘‘கோவூர் பகுதியில் அஜித் குமாருக்கு 3,000 சதுர அடி பரப்பளவில் பிரம்மாண்டமாகத் தனிக் கோயில் அமைக்கத் திட்டமிட்டுள்ளோம். இதற்கான பணிகள் விரைவில் தொடங்கும்’’ என்று தெரிவித்தார். 

ரஜினிகாந்தின் 173-வது திரைப்படமாக உருவாகி வரும் ‘தர்மன்’ திரைப்படத்தில் நயன்தாரா முக்கிய கதாபாத்திரத்தில் இணைந்துள்ளதாகப் படக்குழு அதிகாரபூர்வமாக அறிவித்துள்ளது. கமல்ஹாசனின் ராஜ்கமல் பிலிம்ஸ் இன்டர்நேஷனல் மற்றும் ஆர்.மகேந்திரனின் டர்மெரிக் மீடியா இணைந்து தயாரிக்கும் இப்படத்தை, ‘ஓ மை கடவுளே’, ‘டிராகன்’ படங்களை இயக்கிய அஸ்வத் மாரிமுத்து இயக்குகிறார்.

இப்படத்தில் ரஜினிகாந்த் மருத்துவர் கதாபாத்திரத்தில் நடித்து வரும் நிலையில், தற்போது நயன்தாரா இணைந்திருப்பது குறித்த அறிவிப்பைத் தயாரிப்பு நிறுவனம் போஸ்டருடன் வெளியிட்டு உறுதி செய்துள்ளது. ஏற்கனவே ரஜினிகாந்துடன் இணைந்து ‘சந்திரமுகி’, ‘சிவாஜி’ (ஒரு பாடலுக்கு மட்டும்) ‘குசேலன்’, ‘தர்பார்’ மற்றும் ‘அண்ணாத்த’ ஆகிய படங்களில் நயன்தாரா நடித்திருந்த நிலையில், தற்போது இந்த கூட்டணி மீண்டும் இணைந்துள்ளது குறிப்பிடத்தக்கது.

சூர்யா, நஸ்ரியா, நஸ்லென் நடித்துள்ள படம் ‘சீன்’. இந்த படத்தை ஜித்து மாதவன் இயக்கியுள்ளார். 2டி என்டர்டெய்ன்மென்ட் மற்றும் ழகரம் ஸ்டுடியோஸ் ஆகிய நிறுவனங்கள் இணைந்து தயாரித்துள்ளன. இந்தப் படத்தில் சூர்யா போலீஸ் அதிகாரியாக நடித்துள்ளார். படத்தின் புரமோஷன் நிகழ்ச்சி துபாயில் நடைபெற்றது. படம் குறித்து சூர்யா பேசியது: நான் நடித்த ‘காக்க காக்க’, ‘சிங்கம்’ போன்ற முந்தைய தீவிரமான போலீஸ் திரைப்படங்களோடு இந்த ‘சீன்’ படத்தை ஒப்பிட வேண்டாம். இது முற்றிலும் மாறுபட்ட, நகைச்சுவை நிறைந்த ஒரு ஜாலியான போலீஸ் கதையாகும். நாம் எப்போதுமே நமது மனதில் நல்ல எண்ணங்களை மட்டுமே கொண்டிருக்க வேண்டும்.

நமது எண்ணங்கள் நல்லதாக இருந்தால், நாம் நினைக்கும் நல்ல விஷயங்கள் நிச்சயமாக ஒரு நாள் நம் வாழ்வில் நடக்கும். அதற்கு இந்தத் திரைப்படமே எனக்கு ஒரு சிறந்த உதாரணம். நீண்ட இடைவெளிக்குப் பிறகு நஸ்ரியா இந்தப் படத்தின் மூலம் மீண்டும் ரீ-என்ட்ரி கொடுத்துள்ளார். நஸ்ரியா திரையில் தனது மாயாஜால நடிப்பால் அசத்தியிருக்கிறார். இயக்குநர் ஜித்து மாதவனுடன் இணைந்து பணியாற்ற வேண்டும் என்று மனதுக்குள் நான் ஆழமாக நினைத்துக் கொண்டிருந்தேன். அது இந்த ‘சீன்’ படம் மூலமாக இப்போது நிறைவேறியிருக்கிறது. பொதுவாக கதைக் கேட்கும்போது நான் மிகவும் அமைதியாகக் கவனிப்பேன். ஆனால், ஜித்து மாதவன் இந்த படத்திற்காகக் கதை சொல்லத் தொடங்கிய 5-வது நிமிடத்திலிருந்தே நான் சிரிக்கத் தொடங்கிவிட்டேன். இந்தப் படத்தின் மூலம் ஜித்து மாதவன் ஒரு வித்தியாசமான உலகத்தையே உருவாக்கியுள்ளார்

தெலுங்கில் ஹிட்டான ‘கம்கம் கணேசா’ என்ற படம், தமிழில் ‘ஜெய் ஜெய் கணேசா’ என்ற பெயரில் டப்பிங் செய்யப்படுகிறது. இதை ஜே.ஜே மூவிஸ் சார்பில் விஜய் மாதவன் அதிக பொருட்செலவில் தயாரித்துள்ளார். தமிழ் உருவாக்க பணிகளை இயக்குனர் ஏ.ஆர்.கே.ராஜராஜா மேற்கொண்டுள்ளார். விஜய் தேவரகொண்டாவின் தம்பி ஆனந்த் தேவரகொண்டா ஹீரோவாக நடித்துள்ளார்.

ஹீரோயின்களாக நயன் சாரிகா, பிரகதி ஸ்ரீவத்சவா, வில்லனாக ராஜ் அருண் நடித்துள்ளனர். உதய் பொம்மி செட்டி எழுதி இயக்கியுள்ளார். ஆதித்யா ஒளிப்பதிவு செய்ய, சேத்தன் பரத்வாஜ் இசை அமைத்துள்ளார். சுவிஸ் தமிழ்மகள், பாமகன், ஜோ பைந்தமிழ் பாடல்கள் எழுதி இருக்கின்றனர். நிஜமான காதலுக்கும், ஃபேமிலி சென்டிமெண்டுக்கும், அதிரடி ஆக்‌ஷனுக்கும் முக்கியத்துவம் கொடுத்து உருவாக்கப்பட்டுள்ள இப்படம் விரைவில் திரைக்கு வருகிறது.

வெற்றிபெற்ற ‘வித் லவ்’ என்ற படத்தை தொடர்ந்து சீயோன் பிலிம்ஸ் சார்பில் சவுந்தர்யா ரஜினிகாந்த், எம்ஆர்பி எண்டர்டெயின்மெண்ட் சார்பில் பசிலியான் நாசரேத், மகேஷ் ராஜ் பசிலியான் இணைந்து தயாரிக்கும் காதல் கதை கொண்ட படம், ‘கமல் ஸ்ரீதேவி’. பிரபுதேவா, சிம்ரன், மிதுன் ஜெய்சங்கர், ஸ்மேகா நடிக்கின்றனர். மூணாறு, சென்னை யில் படப்பிடிப்பு நடந்தது. கிருஷ்ணா னந்த் கொட்டாரப்பட்டு எழுதி இயக்கு கிறார். ஜி.வி.பிரகாஷ் குமார் இசை அமைக்க, சரண் வேலாயுதன் ஒளிப்பதிவு செய்கிறார். ராஜீவன் தயாரிப்பு வடிவமைப்பு மேற்கொள்கிறார். ராஜா ஆறுமுகம் எடிட்டிங் செய்கிறார். சேகர் அரங்குகள் அமைக்க, மகேஷ் மேத்யூ சண்டைப் பயிற்சி அளிக்க, சரத் ஜே.சாமுவேல் இணை தயாரிப்பு செய்கிறார்.

வெற்றிபெற்ற ‘குட் நைட்’, ‘லவ்வர்’, ‘டூரிஸ்ட் ஃபேமிலி’, ‘வித் லவ்’ ஆகிய தமிழ் படங்களை தொடர்ந்து எம்ஆர்பி எண்டர்டெயின்மெண்ட் தயாரிக்கும் ‘கமல் ஸ்ரீதேவி’ என்ற படத்தை சீயோன் பிலிம்சுக்காக சவுந்தர்யா ரஜினிகாந்த் இணைந்து வழங்குகிறார். ரஜினிகாந்தின் மகள் சவுந்தர்யா இணைந்துள்ள படத்துக்கு ‘கமல் ஸ்ரீதேவி’ என்று பெயரிடப்பட்டுள்ள நிலையில், ரசிகர்கள் மத்தியில் அதிக எதிர்பார்ப்பு ஏற்பட்டுள்ளது.

யோகி பாபு, வேல.ராமமூர்த்தி, எம்.எஸ்.பாஸ்கர், மரியா வின்சென்ட், ஆர்த்தி கணேஷ், மனோபாலா, கல்கி, மாரிமுத்து, படவா கோபி, சென்ராயன், டி.எஸ்.ஆர்., தீபா சங்கர், சபீதா ராய், ஜாவா சுந்தரேசன், கே.எம்.கணேஷ்கர் நடித்துள்ள படம், ‘சிங்காரம்’. ராக் புரொடக்‌ஷன்ஸ் சார்பில் ஏ.எஸ்.ரமணபாலாஜி, பத்மாவதி காந்தி தயாரித்துள்ளனர். கே.வி.கதிர்வேலு எழுதி இயக்க, சாம் சி.எஸ் இசை அமைத்துள்ளார். விவேகா பாடல்கள் எழுத, பிரசன்னா எஸ்.குமார் ஒளிப்பதிவு செய்துள்ளார். குருராஜ் அரங்குகள் அமைக்க, லாரன்ஸ் கிஷோர் எடிட்டிங் செய்ய, ஃபேன்டம் பிரதீப் சண்டைப் பயிற்சி அளித்துள்ளார். 

இப்படத்தின் நிகழ்ச்சியில் பங்கேற்ற இயக்குனர் ஆர்.வி.உதயகுமார் பேசுகையில், ‘கம்யூனிஸ்ட் குடும்பத்தை சேர்ந்த கே.வி.கதிர்வேலு இயக்கிய ‘சிங்காரம்’ படம், நமது சமூக விழிப்புணர்வுக்கான கருத்துகளை கொண்டிருக்கிறது. நரிக்குறவர் சமூகத்தை சேர்ந்த ஒருவர் அரசியலில் ஈடுபட்டு, சட்டமன்ற உறுப்பினராகவதை மையப்படுத்திய இந்த கதையை பாராட்டுகிறேன்’ என்றார். யோகி பாபு பேசும்போது, ‘இதில் நடிக்க வாய்ப்பு அளித்த கே.வி.கதிர்வேலு, ரமணபாலாஜிக்கு எனது நன்றி. மறைந்த நடிகர்கள் மனோபாலா, மாரிமுத்துவை நினைவுகூறுகிறேன். இப்படத்தை தியேட்டர்களில் பார்த்து ஆதரவளிக்க வேண்டும்’ என்றார்.

‘பரியேறும் பெருமாள்’, ‘கர்ணன்’, ‘மாமன்னன்’, ‘வாழை’, ‘பைசன்’ ஆகிய படங்களுக்கு பிறகு மாரி செல்வராஜ் இயக்கும் படம் ‘மஞ்சணத்தி’. இப்படத்திற்கு இளையராஜா இசை அமைக்கிறார். ஃபார்​சூன் என்​டர்​டெ​யின்​மென்ட் சுஷாந்த் பிர​சாத் தயாரிக்​கும் இப்படத்தை திவ்யா மாரி செல்வராஜ் வழங்குகிறார். பிரியங்கா மோகன், கயாடு லோஹர், கதிர், பூர்ணிமா ரவி, விது, ‘காக்கா முட்டை’ விக்னேஷ் உள்பட பலர் முக்கிய வேடத்தில் நடிக்கின்றனர். கடந்த செப்டம்பர் 7ம் தேதி தேனி மாவட்டத்தில் பூஜையுடன் ‘மஞ்சணத்தி’ படப்பிடிப்பு தொடங்கியது. அந்நிகழ்வில் இளையராஜா கலந்துகொண்டு கிளாப் போர்டு அடுத்து படப்பிடிப்பை தொடங்கி வைத்தார்.

தற்போது இதன் முதல்கட்ட படப்பிடிப்பு நிறைவடைந்துள்ளதாக கயாடு லோஹர் தெரிவித்துள்ளார். இது குறித்து தனது சோஷியல் மீடியாவில், ‘ஒரு வித்தியாசமான உலகம், ஒரு வித்தியாசமான பள்ளி, ஒரு வித்தியாசமான நான். விஷயங்களை சற்று வித்தியாசமாக பார்க்க வைத்த ஒரு கதை சொல்லி இவர்’ என்று மாரி செல்வராஜை குறிப்பிட்டு கயாடு லோஹர் போட்டோவை பதிவிட்டுள்ளார். அந்த போட்டோவில் மாரி செல்வராஜ், கயாடு லோஹர் இருவரும் ஒன்றாக நடந்து பேசி கொண்டே செல்கின்றனர்.

அர்ஜுன் தாஸ் முதன்முறையாக காவல் அதிகாரியாக நடிக்கும் படம் ‘ஜான் டோ’. இப்படத்தின் பர்ஸ்ட் லுக் போஸ்டரை படக்குழு வெளியிட்டுள்ளது. ‘பாகுபலி’ போன்ற பிரமாண்ட படத்தை தயாரித்த ஆர்கா மீடியா ஒர்க்ஸ் இப்படத்தை தயாரித்துள்ளது. ‘கே.டி. (எ) கருப்புதுரை’, இந்தியில் அபிஷேக் பச்சன் நடித்த ‘காலிதார் லாபட்டா’ ஆகிய படங்களை இயக்கிய மதுமிதா ‘ஜான் டோ’ படத்தை இயக்கியுள்ளார். மேலும், சஞ்சனா நடராஜன், சிருஷ்டி, ஜாரா வினீத் சாந்தோக், நீரவ் உள்பட பலர் முக்கிய வேடத்தில் நடித்துள்ளனர்.

பிரீத்தா ஜெயராமன் ஒளிப்பதிவு செய்ய, முஜீப் மஜீத் இசை அமைத்துள்ளார். ஜான் டோ என்பவர் யார்? அவர் பாதிக்கப்பட்டவரா, குற்றவாளியா, காணாமல் போன குழந்தையா அல்லது இதுவரை கண்டுபிடிக்கப்படாத ஒருவரா போன்ற பல கேள்விகளுக்கான பதிலை தேடிப் பயணிக்கும் சந்துரு என்ற காவல் அதிகாரியின் தேடல்தான் ‘ஜான் டோ’ படத்தின் கதை.

நமித் மல்கோத்ராவின் பிரமாண்ட தயாரிப்பில் நிதேஷ் திவாரி இயக்கத்தில் இரண்டு பாகங்களாக உருவாகி வரும் பான் வேர்ல்ட் படம் ‘ராமாயணா’. .
தற்போது தீவிர புரோமோஷன் பணிகளில் ஈடுபட்டு வரும் படக்குழுவினர் சமீபத்தில் ஐதராபாத்தில் நடந்த நிகழ்ச்சியில் கலந்துகொண்டனர். இந்நிகழ்வில் சாய் பல்லவி பேசுகையில், ‘ராவணன் கதாபாத்திரத்தில் நடிக்க யாரும் விரும்ப மாட்டார்கள். ஏனென்றால், அந்த கதாபாத்திரத்துக்கு வெறுப்பு கிடைக்கும் என்ற பொதுவான ஒரு எண்ணம் உள்ளது. ஆனால், யஷ் அந்த கேரக்டரில் நடித்து வெறுப்புக்கு பதிலாக அனைவரின் அன்பையும் பெற்றுள்ளார். சீதா தேவியாக ஒவ்வொரு காட்சியிலும் சிறப்பாக நடிக்க அவர் எனக்கு வழிகாட்ட வேண்டும் என்று சீதாவிடம் பிரார்த்தனை செய்தேன். இந்த படத்தில் தமிழில் எழுதப்பட்டுள்ள வசனங்கள் அனைத்தும் மிக துல்லியமாகவும், ஒரு நேரடி தமிழ் படத்திற்கு எப்படி இருக்குமோ அதே போன்ற நளினத்துடனும் நேர்த்தியாக அமைந்துள்ளது.

‘தி பாரடைஸ்’ படத்துக்கு பிறகு, நானி தனது அடுத்த படத்துக்கான கதைகளை கேட்டு வருகிறார். அவர் கூறியது: நான் கதைகளைத் தேர்ந்தெடுக்கும்போது பாக்ஸ் ஆபீஸ் வசூல் அல்லது வெள்ளிக்கிழமை ரிசல்ட்டை மனதில்கொண்டு கணக்குப் போட்டுப் படங்களை ஒப்புக்கொள்வதில்லை. என் மனதிற்கு எந்தக் கதை சரியாகப் படுகிறதோ, அதைத்தான் தேர்வு செய்கிறேன்.

ஒரு படத்தில் கமிட்டானால் அடுத்த 6 மாதங்கள் முதல் ஒரு வருடம் வரை அதே படத்தில்தான் நான் பயணிப்பேன். அதனால், முதலில் அந்த ஷூட்டிங் ப்ராசஸை நான் என்ஜாய் பண்ண வேண்டும். ஒரு புதுமுக இயக்குநர் என்னிடம் கதை சொல்ல வரும்போது, அவருக்கு இயக்கம் பற்றிய அனுபவம் இருக்கிறதா என்பதைவிட, சினிமா மீது அவருக்கு எந்தளவிற்குப் பேராசையும் காதலும் இருக்கிறது என்பதைத்தான் முதலில் பார்ப்பேன்.

அந்தப் பேரார்வம் இருந்தால் அனுபவமின்மையை எளிதாகக் கடந்துவிட முடியும். எனக்குச் சிறுவயதிலிருந்தே ‘கிளாடியேட்டர்’ போன்ற ஒரு வரலாற்று ஆக்‌ஷன் காவியத்தில் நடிக்க வேண்டும் என்ற பெரிய கனவு இருந்தது. அதேபோல ‘தி பர்சூட் ஆஃப் ஹாப்பினஸ்’ படமும் என்னை மிகவும் பாதித்த ஒன்று. இப்போது இயக்குநராகும் எண்ணம் எதுவும் இல்லை. ஒரு நடிகனாக இந்த நிலையை நான் மிகவும் ரசித்துக்கொண்டிருக்கிறேன்..

லீஹரி பிக்சர்ஸ் தயாரிக்கும் படம் ‘சிவப்பு நட்சத்திரம்’. படத்தின் டைட்டிலை, நடிகர் சமுத்திரக்கனி தனது சமுக வலைதளங்களில் வெளியிட்டு, படக்குழுவினருக்கு வாழ்த்துக்கள் தெரிவித்தார். இயற்கை வளங்கள் அனைத்தும் மனித குலத்தின் பசியை தீர்ப்பதற்கு தான். மாறாக பணம் படைத்தவர்கள் அதனை பதுக்கி வைத்து செயற்கையாக பஞ்சத்தை உருவாக்குவதற்கு அல்ல என்ற கருவை சுமந்து வரும் படம் இது.
நாயகனாக டல்ஹவுசி பிரபு நடிக்கிறார். நாயகியாக வர்ஷா நடிக்கிறார். பொன்வண்ணன், ஓஏகே. சுந்தர், நீதிபதியாக பழ கருப்பையா, வில்லன்களாக சித்தார்த், தீரன், பாலமுருகன், டெல்டா வீரா ஆகியோர் நடிக்கிறார்கள். எழுதி, டல்ஹௌசி பிரபு இயக்குகிறார். ஒளிப்பதிவு பிகே, இசை டி.சி, இணை தயாரிப்பு கர்ணா, டாக்டர் தினேஷ். லீஹரி பிக்சர்ஸ் சார்பில், பி.சின்னத்தம்பி, ஹரி சங்கர் தயாரிக்கின்றனர்

ராஷ்மிகா ‘கீதா கோவிந்தம்’ படப்பிடிப்பு தளத்தில் நடந்த விஷயத்தைப் பகிர்ந்துகொண்டார்.
‘‘கீதா கோவிந்தம் படத்தின் முதல் நாள் படப்பிடிப்பின்போது நான் ஒரு பாடலை சத்தமாக கேட்டதற்கு விஜய் என்னிடம் கோபப்பட்டு கத்திவிட்டார். இந்தத் துறை எனக்கு புதிது என்பதால் அந்த நிகழ்வு என்னை மோசமாக பாதித்து, நான் அழுதுவிட்டேன். ஆனால் நாட்கள் கடந்தபின் அவரை பற்றி புரிந்துக் கொண்டு, நண்பர்களாகி விட்டோம். அவருடன் நடிக்கும்போது எனக்கு எந்தப் பயமும் ஏற்படவில்லை. அவர் எப்போதும் சக நடிகர்களுக்கு முழு சுதந்திரமும், வசதியான சூழலையும் அமைத்துக் கொடுப்பார்.

நாங்கள் இருவரும் ஒன்றாக இணைந்து பணியாற்றிய படங்களின் படப்பிடிப்பில், ஒவ்வொரு காட்சியையும் எவ்வாறு சிறப்பானதாக மாற்றலாம் என்று எப்போதும் விவாதித்துக் கொண்டே இருப்போம். திரைக்கு அப்பாலும் எங்கள் இருவருக்கும் இடையே ஒரு நல்ல புரிதலும், வலுவான நட்பும் உருவாக அதுவே முக்கியக் காரணமாக அமைந்தது” என்று பகிர்ந்திருக்கிறார்.

மூக்குத்தி அம்மன் 2’ கதைப்படி ஒரு ஊருக்கு காவலராக வரும் நயன்தாரா தனியாக தூங்கப் பயப்படுகிறார். அவருக்கு புராண கனவுகள் வந்து போக அதற்கும் இவருக்கும் தொடர்பு இருப்பது போல் தெரிகிறது. இதனிடையே அவரைத் தேடி பவர்ஃபுல் வில்லியாக வரும் ரெஜினா அலைய, பின்பு ஒரு கட்டத்தில் நயனை பிடித்து கொடுமைப் படுத்துகிறார். அப்போது நயன்தாராவோடு மாட்டிக்கொண்ட ஊர்வசியும் கொடுமைகளை அனுபவிக்க, அம்மனை கூப்பிடச் சொல்லி நயன்தாராவிடம் கேட்க உடனே மூக்குத்தி அம்மன் எண்ட்ரி கொடுக்கிறார். சமீபத்தில் வெளியான டிரெய்லரில் இந்த காட்சிகள் இடம்பெற்றுள்ளன.

இந்த ஆண்டு அதிக வசூல் செய்த நடிகைகளில் ஒருவராக சாதனை படைத்துள்ளார் மமிதா பைஜூ. விஸ்வநாத் அண்ட் சன்ஸ் ரூ.220 கோடி, பெத்லகேம் குடும்ப யூனிட் ரூ. 335 கோடி மற்றும் கர ரூ.60 கோடி என இவர் நடிப்பில் இந்த ஆண்டு வெளியான திரைப்படங்கள் வசூல் செய்துள்ளன. இதையடுத்து மமிதா பைஜூ அண்மையில் ரூ.23 லட்சம் மதிப்புள்ள Volkswage* Taigu* என்கிற கார் வாங்கியுள்ளார்.

கொல்கத்தாவில் நடந்த தசரா விழாவில் மேற்கு வங்க முதல்வர் சுவேந்து அதிகாரி கலந்துகொண்டு, ரன்பீர் கபூர், சாய் பல்லவி நடிக்கும் ‘ராமாயணா’ படத்துக்கு அம்மாநிலத்தில் வரி விலக்கு அளிப்பதாக தெரிவித்துள்ளார்..

அர்கா மீடியாஒர்க்ஸ் நிறுவனம் சார்பில் தயாரிப்பாளர்கள் ஷோபு யார்லகட்ட - பிரசாத் தேவினேனி ஆகியோரின் தயாரிப்பில் இயக்குநர் மதுமிதா இயக்கத்தில் அர்ஜுன் தாஸ் கதையின் நாயகனாக நடிக்கும் ‘ஜான் டோ’ திரைப்படத்தின் பர்ஸ்ட் லுக் வெளியிடப்பட்டிருக்கிறது. இயக்குநர் மதுமிதா மற்றும் கதாசிரியர் நிக்கோலஸ் செவாலியர் ஆகியோர் இணைந்து கதை, திரைக்கதை எழுதி இருக்கும் ‘ஜான் டோ’ திரைப்படத்தில் அர்ஜுன் தாஸ், சஞ்சனா நடராஜன், ஸ்ருஷ்டி, ஜாரா வினீத் சந்தோக், நீரவ் உள்ளிட்ட பலர் நடித்திருக்கிறார்கள்.

பிரீதா ஜெயராமன் ஒளிப்பதிவு செய்திருக்கும் இந்த திரைப்படத்திற்கு முஜீப் மஜீத் இசையமைத்திருக்கிறார். கூடுதல் இசையை ஆர்டிஸ்ட் 404 எனும் இசைக்குழு அமைத்திருக்கிறது. படத்தொகுப்பு பணிகளை விஜய் வெங்கடரமணன் மேற்கொள்ள தயாரிப்பு வடிவமைப்பாளராக அஷ்வினி காலே பணியாற்றுகிறார்.

சமீபத்தில் நடைபெற்ற ஒரு நிகழ்வில் ராஜமவுலி பேசுகையில், ‘‘ராமாயணம் மற்றும் மகாபாரதம் ஆகிய எங்களது புராணங்கள் இதுவரை திரையில் காட்சிப்படுத்தப்பட்ட விதம் எனக்கு முழுத் திருப்தியை அளித்ததே இல்லை. அந்தப் புராணக் கதைகளை இன்னும் பிரமாண்டமான முறையில் ரசிகர்களுக்குக் கொண்டு சேர்க்க வேண்டும் என்ற எனது நீண்ட நாள் கனவின் விளைவுதான் இந்த ‘வாரணாசி’. இந்தப் படத்தில் ராமாயணத்தைத் தழுவிய ஒரு பிரத்யேகக் காட்சி உள்ளது.
அந்த லுக்கில் மகேஷ் பாபுவைப் பார்த்தபோதே எனக்குச் சிலிர்த்துவிட்டது. பொதுவாகவே அவர் தன் 100% உழைப்பைக் கொடுப்பார் என்று எனக்குத் தெரியும். ஆனால் இந்தப் படத்திற்காக அவர் தன் 200% உழைப்பைக் கொடுத்து என்னை வியப்பில் ஆழ்த்தியுள்ளார். நாம் எதிர்பார்த்ததை விடவும் அந்தப் பாத்திரத்தை அவர் மிகச் சிறப்பாகச் செய்திருக்கிறார்.
இந்தக் குறிப்பிட்ட ராமர் காட்சியை மட்டும் நாங்கள் சுமார் 60 நாட்கள் படமாக்கினோம். இது விஷுவல் ரீதியாக மட்டுமன்றி, உணர்ச்சிப்பூர்வமாகவும் ரசிகர்களைப் பெரிதும் தொடும்’’ எனப் பகிர்ந்திருக்கிறார்

‘ராமாயணா’ படத்தின் ரிலீஸ் தேதி நெருங்கி வருவதால் பட புரொமோஷனில் ஈடுபட்டு வருகிறது படக்குழு. அந்த வகையில் மும்பை, பெங்களூருவைத் தொடர்ந்து ஐதராபாத்தில் விழா நடந்தது. அதில் பேசிய யஷ், “நமது இந்திய இதிகாசத்தை உலக மேடையில் கொண்டு செல்வதற்காக தயாரிப்பாளர் நமித் மல்ஹோத்ரா தனது பணம், புகழ் அனைத்தையும் பந்தயம் கட்டி இறங்கியுள்ளார். தயவுசெய்து விஎஃப்எக்ஸ் தொழில்நுட்பத்தில் சின்ன குறைகளை தேடாதீர்கள்.
இவரைப் போன்றவகள் நம்மிடம் இல்லாமல் போனால் மீண்டும் இது போன்ற முயற்சிகள் நடக்க நீண்ட ஆண்டுகள் ஆகலாம். அதனால் நாம் பல ஆண்டுகள் பின்னோக்கி சென்றுவிடுவோம். அனைத்துத் திரைத்துறை ரசிகர்களுக்கும், எனது நலம் விரும்பிகளுக்கும் நான் வைக்கும் ஒரே கோரிக்கை இதுதான். இந்த ஒரு முறை நாம் அனைவரும் ஒன்றாக இணைந்து நமது இந்தியக் கதையின் பிரமாண்டத்தை உலகிற்கு நிரூபித்துக் காட்டுவோம்” என்றார்.

ட்வின் டவர் புரொடக்‌ஷன்ஸ், டி குரோனிக்கள் புரொடக்‌ஷன்ஸ் இணைந்து தயாரிக்க, அறிமுக இயக்குனர் எம்.குரு இயக்கத்தில் புதிய படம் உருவாகிறது. தமிழ் சினிமாவில் தனது மாறுபட்ட கதாபாத்திரங்களால் ரசிகர்களை கவர்ந்த பரத் மற்றும் மலையாள திரையுலகில் இயல்பான நடிப்பாலும் நகைச்சுவையாலும் தனி முத்திரை பதித்த நடிகரும் இயக்குனருமான ராஜேஷ் மாதவன் இருவரும் இணையும் இப்படத்தின் படப்பிடிப்பு  பூஜையுடன் தொடங்கியது.

நகைச்சுவை, காதல், குடும்ப உணர்வுகள், சென்டிமென்ட் என அனைத்து அம்சங்களும் நிறைந்த கமர்ஷியல் ஃபேமிலி என்டர்டெய்னராக இப்படம் உருவாகிறது. இப்படத்தின் பூஜையில் இயக்குனர் விருமாண்டி முதல் கிளாப் அடித்து படப்பிடிப்பை தொடங்கி வைத்தார். சமீபத்தில் வெளியான ‘ஜெயிலர் 2’ படத்தின் ‘அல்லபொலேலோ’ பாடலில் தோன்றி தமிழ் ரசிகர்களிடமும் வரவேற்பை பெற்ற ராஜேஷ் மாதவன் இப்படத்தில் முக்கிய வேடத்தில் இணைவது எதிர்பார்ப்பை அதிகரித்துள்ளது.

ஷ்வஸ்தா ராஜ், மீனாட்சி தினேஷ் மற்றும் ரக்‌ஷனா இந்துசூடன் ஆகியோர் ஹீரோயின்களாக நடிக்கின்றனர். மேலும், முனீஷ்காந்த், சுஜிதா, கட்டெறும்பு ஸ்டாலின் உள்பட பலர் முக்கிய வேடத்தில் நடிக்கின்றனர். எஸ்.ஆர்.சதீஷ் குமார் ஒளிப்பதிவு செய்கிறார்.

தெலுங்கு படவுலகை சேர்ந்த புரி ஜெகன்நாத் இயக்கத்தில், விஜய் சேதுபதி ஹீரோவாக நடிக்கும் படம் ‘ஸ்லம் டாக்: 33 டெம்பிள் ரோடு’. இதன் இறுதிக்கட்ட படப்பிடிப்பு ஐதராபாத்தில் நடந்து வந்த நிலையில் சமீபத்தில் நிறைவடைந்தது. புரி கனெக்ட்ஸ் சார்பில் புரி ஜெகன்நாத் மற்றும் நடிகை சார்மி கவுர் இணைந்து தயாரித்துள்ளனர்.

சம்யுக்தா, தபு, ஜரினா வஹாப், துனியா விஜய், பிரம்ஹாஜீ, வி.டி.வி. கணேஷ் உள்பட பலர் முக்கிய வேடத்தில் நடித்துள்ளனர். ஹர்ஷவர்தன் ராமேஸ்வர் இசை அமைக்கிறார். சாம் கே. நாயுடு ஒளிப்பதிவையும் எடிட்டிங் பணிகளை சந்தோஷ் நூஜில்லாவும் கவனிக்கின்றனர்.

புரி ஜெகன்நாத், அனைத்துத் தரப்பு ரசிகர்களையும் கவரும் வகையில் இப்படத்தை உருவாக்கியுள்ளார். விரைவில் படத்தின் ரிலீஸ் தேதி குறித்த அறிவிப்பு வெளியாகும் என்று எதிர்பார்க்கப்படுகிறது. தமிழ், தெலுங்கு, கன்னடம், மலையாளம், இந்தி ஆகிய 5 மொழிகளில் படம் வெளியாகவுள்ளது.

பாலா இயக்கிய ‘நந்தா’ மற்றும் அமீர் இயக்கிய ‘மௌனம் பேசியதே’ போன்ற வெற்றி படங்களை தயாரித்த அபராஜீத் பிலிம்ஸ் கணேஷ் ரகு தயாரிக்கும் புதிய படத்தை அமீரின் உதவி இயக்குனர் இராம்.நா இயக்குகிறார். இன்னும் பெயரிடப்படாத இப்படத்தின் படப்பிடிப்பு பூஜையுடன் சென்னையில் சமீபத்தில் தொடங்கியது. தொடர்ந்து நவம்பர் மாதம் முதல் கோவையில் படப்பிடிப்பு நடைபெற உள்ளது.

இப்படத்தின் தொடக்க விழா நிகழ்வில், இயக்குனர் சேரன் கிளாப்-இன் சொல்ல, சசிகுமார் கேமரா ஆன் செய்து, அமீர் கிளாப் போர்ட் அடித்து, பாலா ஆக்‌ஷன் சொல்லி முதல் காட்சியை இயக்கினார். எஸ்.ஏ.சந்திரசேகர், சிவக்குமார், தயாரிப்பாளர் அம்மா கிரியேஷன்ஸ் சிவா, பூர்ணிமா பாக்யராஜ் மற்றும் இயக்குனர் கரு.பழனியப்பன் உள்பட பலர் இந்நிகழ்வில் கலந்து கொண்டனர்.

நெகிழ்ச்சியான கதைக்களமும், ஊக்கமளிக்கும் திரைக்கதையும் கொண்டு உருவாகும் இப்படத்திற்கு, இளையராஜா இசையமைக்கிறார். வாஞ்சி முருகேசன் ஒளிப்பதிவு செய்ய, பரதன் வசனம் எழுத, பாலுமகேந்திரா கலை இயக்கத்தில், பூபதி வேதகிரி எடிட்டிங் பணிகளை கவனிக்கின்றனர்.

நிதேஷ் திவாரி இயக்கத்தில் ரன்பீர் கபூர், சாய் பல்லவி, யஷ் நடித்துள்ள ‘ராமாயணா’ என்ற படத்தின் முதல் பாகம், வரும் 5ம் தேதி பல்வேறு மொழிகளில் திரைக்கு வருகிறது. இப்படத்தில் நடித்தவர்களுக்காக 4,500க்கும் மேற்பட்ட ஆபரணங்கள் உருவாக்கப்பட்டுள்ளன. இதற்காக தனியார் நிறுவனத்தை சேர்ந்தவர்கள் 18 மாதங்களுக்கு மேல் கடுமையாக உழைத்துள்ளனர். இந்தியாவின் பழங்கால நகைகள், கோயில் சிற்பங்கள், புராணங்கள், பாரம்பரிய கலைகளை ஆய்வு செய்து ஆபரணங்கள் வடிவமைக்கப்பட்டன. படத்தில் ராமர், சீதை, ராவணன் ஆகிய கதாபாத்திரங்கள் வாழும் அயோத்தி, மிதிலை, இலங்கை ஆகிய ராஜ்ஜியங்களுக்கு தனித்துவமான நகை வடிவமைப்புகள் உருவாக்கப்பட்டன. அயோத்திக்கான ஆபரணங்களில் அரச கம்பீரம் வெளிப்படும் வகையில் பாரம்பரிய வடிவங்கள் பயன்படுத்தப்பட்டன.

ராமரின் சூரிய வம்சத்தை குறிக்கும் சூரியன் போன்ற வடிவங்கள் முக்கியத்துவம் பெற்றுள்ளன. சீதையின் நகைகளில் இயற்கை மற்றும் மலர் வடிவங்கள் இடம்பெற்றன.

மலையாளத்தில் திரைக்கு வந்து வெற்றிபெற்று, வசூலில் சாதனை படைத்த ‘பெத்லஹேம் குடும்ப யூனிட்’ என்ற படம், மமிதா பைஜுவின் திரையுலக மார்க்கெட்டை உச்சத்துக்கு கொண்டு சென்றிருக்கிறது. இப்படத்தின் வெற்றிவிழாவில் பேசிய அவர், ‘தொடர்ச்சியான வெற்றி என்னை சந்தோஷப்பட வைத்துள்ளது. ‘சூப்பர் சரண்யா’ படம் ரிலீசாகாத நேரத்தில், இயக்குனர் கிரிஷ் ஏ.டி என்னிடம் ‘பெத்லஹேம் குடும்ப யூனிட்’ படத்தின் கதையை சொன்னார். அப்போதே இந்த கேரக்டரில் நான் நடித்தால் நன்றாக இருக்கும் என்று சொன்னார்.

எந்த நம்பிக்கையில் அப்படி சொன்னார் என்று தெரியவில்லை. இப்போது வெற்றிவிழா மேடையில் உணர்ச்சிவசப்பட்டு நிற்கும் நான், இயக்குனருக்கு ‘நன்றி’ என்ற வார்த்தையை தவிர வேறு எதையும் சொல்ல விரும்பவில்லை. ‘பிரேமலு’, ‘பெத்லஹேம் குடும்ப யூனிட்’ போன்ற படங்களில், என்னால் முதன்மை கதாநாயகியாக நடித்து, அப்படத்தை தாங்கி நிற்க முடியும் என்று எனக்கே நம்பிக்கை இல்லாத நிலையில், அவர் என்மீது தீவிர நம்பிக்கை வைத்தார். அவருக்கு நான் என்றென்றும் கடமைப்பட்டுள்ளேன்’ என்று கண்கலங்கினார். முன்னதாக மமிதா பைஜு, சில படங்களில் சிறுவேடங்களில் நடித்திருந்தார் என்பது குறிப்பிடத்தக்கது.

காதல் திருமணத்துக்கு பிறகு விஜய் தேவரகொண்டா, ராஷ்மிகா மந்தனா ஜோடி சேர்ந்து நடித்த ‘ரணபாலி’ என்ற படம் திரைக்கு வந்துள்ளது. இது ரசிகர்களின் கலவையான விமர்சனங்களை பெற்றுள்ளது. இந்நிலையில் ஒரு நிகழ்ச்சியில் பங்கேற்ற நட்சத்திர ஜோடி, தங்கள் காதல் மற்றும் திருமணம் குறித்த விஷயங்களை பகிர்ந்தனர். திருமணம் குறித்து ராஷ்மிகா மந்தனா கூறுகையில், ‘நாம் உடனடியாக திருமணம் செய்துகொள்ளலாம் என்று, ஒரு வருடத்துக்கு மேல் விஜய் தேவரகொண்டாவிடம் கேட்டுக்கொண்டு இருந்தேன். அவர் சம்மதம் என்று சொல்வதற்காக, ஒரு வருடம் வரை நான் காத்திருக்க வேண்டியிருந்தது’ என்றார்.

பிறகு பேசிய விஜய் தேவரகொண்டா, ‘ராஷ்மிகா சொன்னது உண்மைதான். நாங்கள் திருமணம் செய்வதற்கு முன்பு, என்னிடம் அவர் 100 முறையாவது இப்படி கேட்க வேண்டும், கேட்டுக்கொண்டே இருக்க வேண்டும் என்று, அவரிடம் நான் நிபந்தனை விதித்திருந்தேன்’ என்று, ராஷ்மிகா மந்தனாவை பார்த்து ஜாலியாக கண் சிமிட்டினார்.

லாரன்ஸ் சாரிட்டபிள் டிரஸ்ட் தொடங்கப்பட்டு 20 ஆண்டுகள் நிறைவடைந்துள்ளது. இதையொட்டி ராகவா லாரன்ஸ் வெளியிட்டுள்ள வீடியோவில், ‘மக்கள் சேவைக்கு வந்து 20 வருடங்களாகி விட்டது. டான்ஸ் மாஸ்டராக இருக்கும்போது, மற்றவர்களிடம் கேட்டு சில உதவிகள் செய்திருக்கிறேன். பிறகு ஹீரோவாக மாறிய பிறகு எனது சொந்த பணத்தில் உதவி செய்கிறேன். 20 வருடங்களாக மக்களுக்கும், சமூகத்துக்கும் என்னால் முடிந்த உதவிகளை செய்கிறேன். ஆனால், நீண்ட நாட்களாக ஒரு ஆசை இருந்தது. அது என் ஆசை இல்லை, ஒரு அம்மாவின் ஆசை. அதை இன்று முதல் ஆரம்பிக்கலாம் என்று முடிவு செய்துள்ளேன். டிராக்டர் கொடுப்பதற்காக ஒரு இடத்துக்கு சென்றிருந்தேன்.

அப்போது கூட்டத்தில் இருந்த ஒரு அம்மா, உதவி கேட்டு ஒரு கடிதம் கொடுத்தார். அதில், எல்லா விசேஷங்களுக்கும் பட்டுப்புடவை அணிந்து செல்ல வேண்டும் என்பது என் ஆசை என்று குறிப்பிட்டு, தனக்கு ஒரு பட்டுப்புடவை கொடுக்க முடியுமா என்று கேட்டிருந்தார். உடனே என் அம்மா ஞாபகம் வந்தது. நான் முதன்முதலில் சம்பாதித்த பணத்தில், அம்மாவுக்கு ஒரு பட்டுப்புடவை வாங்கி கொடுத்தேன். பல்வேறு நிகழ்ச்சிகளில் பங்கேற்கும்போது, நிறைய பெண்கள் அழுக்கு டிரஸ்சுடன் வருவதை பார்த்துள்ளேன். எனவே, 20 வருடங்கள் நிறைவடைந்துள்ள இந்நேரத்தில், லாரன்ஸ் சாரிட்டபிள் டிரஸ்ட் மூலமாக, எனது சொந்த பணத்தில் பட்டுப்புடவை திட்டம் ஒன்றை தொடங்கியுள்ளேன். வரும் 29ம் தேதி எனது பிறந்தநாளில் இதை தொடங்குகிறேன். முதலில் 5,000 பெண்களுக்கு பட்டுப்புடவை வழங்குகிறேன்’ என்று தெரிவித்துள்ளார்.

பாலிவுட் சூப்பர் ஸ்டார் நடிகர்களில் ஒருவர், சல்மான்கான். பல வருடங்களாக தனித்துவமான நடிப்பை வெளிப்படுத்தி வரும் அவர், அடிக்கடி சர்ச்சைக்குரிய செயல்களின் மூலமாகவும், கருத்துகளின் மூலமாகவும் மக்கள் மத்தியில் கடுமையான விமர்சனங்களை எதிர்கொள்வார். ஏ.ஆர்.முருகதாஸ் இயக்கத்தில் அவர் நடித்த ‘சிக்கந்தர்’ படம் படுதோல்வி அடைந்தது. இந்நிலையில், ‘வாரிசு’ வம்சி பைடிபள்ளி இயக்கும் ‘மான்ஸ்டர்’ என்ற படத்தில் நயன்தாராவுக்கு ஜோடியாக நடித்து வரும் சல்மான்கான், தனக்கு 60 வயதாகியும் கூட திருமணம் செய்துகொள்ளவில்லை. 2,000 கோடி ரூபாய்க்கு மேல் சொத்துகள் வைத்திருக்கும் அவர், சில ஹீரோயின்களை காதலித்து தோல்வி அடைந்தார். நடிகை சங்கீதா பிஜ்லானியுடன் திருமணம் வரை சென்று, கடைசியில் அது நிறுத்தப்பட்டது.

நடிகைகள் தங்களது கர்ப்ப காலம், மகப்பேறு காலம் மற்றும் தாய்மை நிலையை வெறும் தனிப்பட்ட நிகழ்வாக மட்டும் கடந்து செல்லாமல், அதை மிகச் சிறந்த வணிக வாய்ப்புகளாகவும், பிராண்ட் விளம்பரங்களாகவும் மாற்றி வருகின்றனர். நவீன கார்ப்பரேட் உலகில் இதற்கு ‘மேட்டர்னிட்டி எகானமி’ (Maternity Economy) அல்லது தாய்மை சார்ந்த வியாபாரம் என்று பெயர்.

தீபிகா படுகோன் தனது கர்ப்ப காலத்தை மிகத் தீவிரமான வணிக மற்றும் பிராண்டிங் ரீதியாகப் பயன்படுத்தியுள்ளார்:

அவர் கர்ப்பமாக இருந்த போதே உலகப் புகழ்பெற்ற Cartier நகை நிறுவனம் மற்றும் Hilton Hotels ஆகியவற்றின் உலகளாவிய விளம்பரங்களில் தனது பேறுகால வயிற்றுடன் (Baby Bump) தோன்றி நடித்தார். அவரது சொந்த ஸ்கின்கேர் பிராண்டான 82°E தயாரிப்புகளை விளம்பரப்படுத்த, கர்ப்ப கால முறை என்பதை ஒரு உத்தியாகப் பயன்படுத்தினார்.

இதன் மூலம்  ஆடை நிறுவனங்களுக்குப் பில்லியன் கணக்கில் விளம்பரம் கிடைக்கிறது. கர்ப்பமாக இருக்கும் சமந்தா, சமீபத்தில் குவா க்லோத்திங் நிறுவன ஆடைகளை அணிந்து நிகழ்ச்சிகளில் பங்கேற்றார். பெரும்பாலான நடிகைகள் தாய்மை அடைந்த பிறகு, குழந்தைகளுக்கான உடைகள் மற்றும் ஆர்கானிக் பேபி கேர் பிராண்டுகளைத் தொடங்குகின்றனர் அல்லது அவற்றில் முதலீடு செய்கின்றனர்.

நெட்பிளிக்ஸ், யஷ் ராஜ் பிலிம்ஸ் எண்டர்டெயின்மெண்ட் இணைந்து தயாரித்துள்ள ‘அக்கா’ என்ற வெப்தொடர், வரும் 30ம் தேதி முதல் ஒளிபரப்பாகிறது. கீர்த்தி சுரேஷின் பிறந்தநாளையொட்டி டீசர் வெளியிடப்பட்டது. பவானியாக கீர்த்தி சுரேஷ், ருத்ராவாக ராதிகா ஆப்தே நடித்துள்ளனர். பெண்களை மையப்படுத்திய கேங்ஸ்டர் கதையான இதை தர்மராஜ் ஷெட்டி எழுதி இயக்கி இருக்கிறார்.

1980களின் பின்னணி யில் உருவாக்கப் பட்ட இது, பெண்களால் கட்டமைக்கப் பட்டு ஆளப்பட்டு பாதுகாக்கப்பட்ட பெர்னூரு என்ற கற்பனை உலகத்தை பார்வையாளர்களுக்கு அறிமுகப்படுத்துகிறது. இதுபற்றி கீர்த்தி சுரேஷ் கூறுகையில், ‘இதுவரை நான் நடித்ததில், பவானி கேரக்டரை மறக்க முடியாது. ராதிகா ஆப்தேவுடன் சேர்ந்து பணியாற்றியது மகிழ்ச்சியாக இருந்தது.

இக்கதையின் தனித்துவமும், அதன் உலகமும் என்னை பெரிதும் ஈர்த்தது’ என்றார். ராதிகா ஆப்தே கூறும்போது, ‘நான் நடித்த ருத்ரா கேரக்டர் சுவாரஸ்யமானது. அவள் தனது கொள்கைகளால் வழிநடத்தப்படுபவள். தன்னை சுற்றியுள்ள உலகையே கேள்விக்கு உள்ளாக்கும் இயல்பு கொண்டவள். இதிலுள்ள கேரக்டர்களின் சிக்கலான தன்மையும், அவர்களின் மாறுபட்ட கண்ணோட்டங்களால் உருவாகும் பதற்றங்களும்தான் இதில் நடிக்க என்னை சம்மதிக்க வைத்தது’ என்றார்

மைத்ரி மூவி மேக்கர்ஸ் சார்பில் நவீன் யெர்னேனி, ஒய்.ரவிசங்கர் இணைந்து தயாரிக்கும் புதிய படத்தில் சூரி ஹீரோவாக நடிக்கிறார். இப்படத்தை ‘இன்று நேற்று நாளை’, ‘அயலான்’ ஆகிய படங்களை எழுதி இயக்கியிருந்த ஆர்.ரவிக்குமார் எழுதி இயக்குகிறார். சூரி ஹீரோவாக நடிக்கும் 7வது படம் இது. முன்னதாக ‘விடுதலை 1’, ‘விடுதலை 2’, ‘கருடன்’, ‘கொட்டுக்காளி’, ‘மாமன்’, ‘மண்டாடி’ ஆகிய படங்களில் சூரி ஹீரோவாக நடித்திருந்தார்.

இப்படங்கள் ஹிட்டாகி வசூலிலும் சானை படைத்தன. புதிய படம் குறித்து நவீன் யெர்னேனி கூறுகையில், ‘தமிழில் நாங்கள் தயாரித்த ‘குட் பேட் அக்லி’, ‘டியூட்’, ‘மொத ராத்திரி’, ‘இருமுடி’ ஆகிய படங்களுக்கு கிடைத்த வெற்றியும், வரவேற்பும்தான், தொடர்ந்து தமிழில் படங்களை தயாரிக்க வேண்டும் என்ற ஆர்வத்தை எங்களுக்கு ஏற்படுத்தியுள்ளது. படத்துக்கான பூஜையில் சிவகார்த்திகேயன் பங்கேற்றார்.

அவருக்கும், சூரிக்குமான நட்பையும், அன்பையும் பார்த்தது மகிழ்ச்சியான அனுபவமாக இருந்தது’ என்றார். ஆர்.ரவிக்குமார் கூறும்போது, ‘கமர்ஷியல் ஹீரோவாக சூரி ஒரு தனி இடத்தை பிடித்துள்ளார். அவரது திறமைகள் மற்றும் ரசிகர்களின் எதிர்பார்ப்புக்கு நிறைவேற்றும் வகையில், அவரை திரையில் காட்ட வேண்டிய கூடுதல் பொறுப்பு எனக்கு இருக்கிறது’ என்றார். இப்படத்தில் சூரி ஜோடியாக ரஜிஷா விஜயன் நடிக்கிறார். இதர விவரங்கள் அடுத்தடுத்து வெளியாகும்.

இதுவரை பல்வேறு ஹீரோயின்களுடன் இணைத்து கிசுகிசு வெளியாகி ஓய்ந்துவிட்ட நிலையில், தற்போது பிரபாஸுடன் இணைத்து பேசப்படும் நடிகையாக மாறியுள்ளார், அவரது ஜோடியாக ‘ஃபவுஜி’ என்ற படத்தில் அறிமுகமாகும் இமான்வி. சில நாட்களுக்கு முன்பு 31வது பிறந்தநாளை விமரிசையாக கொண்டாடிய அவருக்கு பிரபாஸ் அனுப்பிய ஒரு ஆச்சரியமான பரிசும், அதற்காக இமான்வி வெளியிட்டுள்ள ஒரு நெகிழ்ச்சியான பதிவும் இணையதளங்களை ஆக்கிரமித்துள்ளன.

அதாவது, இமான்விக்கு பல்வேறு வகையான உணவுகள் அடங்கிய சிறப்பு விருந்து அளித்து, இன்ப அதிர்ச்சி கொடுத்துள்ளார் பிரபாஸ். அவர் தனக்கு அனுப்பிய அனைத்து உணவுகளின் போட்டோக்களை பகிர்ந்து, அவருக்கு நன்றி தெரிவித்துள்ளார் இமான்வி. அந்த மேஜை பிரியாணி, புலாவ், பல்வேறு ஸ்டார்ட்டர்கள் அடங்கிய ஐதராபாத் ஸ்பஷெல் உணவுகளால் நிரம்பியிருக்கிறது.

சிக்கன் 65, சில்லி சிக்கன், சீக் ஷமி கபாப்கள், தந்துரி சிக்கன், பல்வேறு குழம்புகள், கிரேவிகள், சலான், ரெய்தா, சட்னி வகைகள், அப்ரிகாட் டிலைட், ஃபிர்னி போன்ற இனிப்பு வகைகள் இடம்பெற்றுள்ளன. ஹனு ராகவபுடி இயக்கும் ‘ஃபவுஜி’ என்ற பான் இந்தியா படத்தை மைத்ரி மூவி மேக்கர்ஸ் தயாரிக்கிறது. இந்நிலையில், இமான்வியை பிரபாஸ் காதலிக்கிறாரோ என்பது போல், டோலிவுட்டில் ஒரு தகவல் பரவி வருகிறது.

காதல் திருமணம் செய்துகொண்ட விஜய் தேவரகொண்டா, ராஷ்மிகா மந்தனா நட்சத்திர தம்பதி, தற்போது ‘புராஜெக்ட் அன்னபூர்ணா’ என்ற திட்டத்தை தொடங்கி, அதன்மூலம் 400 ஏழை குடும்பங்களை தத்தெடுத்து இருக்கின்றனர். இந்த விஷயத்தை பப்ளிசிட்டி செய்தது ஏன் என்பது குறித்து ராஷ்மிகா மந்தனா வெளியிட்டுள்ள பதிவில் கூறியிருப்பதாவது: இதுவரை நான் 400 குடும்பங்களை தத்தெடுத்து இருக்கிறேன். 3 மாதங்களுக்கு ஒருமுறை அவர்களுக்கு தேவையான அரசி, மாவு, எண்ணெய், பருப்பு ஆகியவற்றை அளிப்பேன்.

இது ஒவ்வொரு வருடமும் தொடரும். சமையலுக்கு தேவையான பொருட்களுக்கு செலவாகும் பணத்தை அவர்கள் சேமித்து, தங்களின் எதிர்காலத்தை சிறப்பாக பயன்படுத்தலாம். அன்புடன் செய்யும் சின்ன விஷயம் கூட ஒருவரது வாழ்க்கையை அடியோடு மாற்றும். அதுவும் பெரிய விஷயமாக இருக்க வேண்டும் என்ற அவசியம் இல்லை. எனவே, நம்மால் இயன்ற அளவுக்கு சின்ன விஷயத்துடன் நல்ல விஷயத்தை தொடங்கலாம். இத்தனை ஆண்டுகளாக நான் சந்தித்த கஷ்டங்கள் அனைத்தும், இந்த மக்களின் சிரிப்பை பார்க்கும்போது அப்படியே மறந்துவிடுகிறது.

இதுவரை பல்வேறு உதவிகளை யாருக்கும் தெரியாமல் செய்தேன். இம்முறை அதை அனைவருக்கும் தெரியும்படி செய்துள்ளேன். காரணம், நான் உதவி செய்வதை பார்த்து மற்றவர்களும் பின்பற்றினால் நன்றாக இருக்கும் என்பதாலேயே வெளியே சொல்லியிருக்கிறேன்.

ஐதராபாத் ஜுபிளி ஹில்ஸ் பகுதியில் புதிய பங்களாவை கட்டும் பாலகிருஷ்ணா, விரைவில் அங்கு தனது குடும்பத்தினருடன் குடியேறுகிறார்.

மாளிகை போன்று பிரமாண்டமாக கட்டப்படும் இது, 10 ஆயிரம் சதுர அடியில் 2 மாடிகள் கொண்ட அதிநவீன வசதிகள் கொண்டதாக அமைக்கப்படுகிறது. அதில் ஹோம் தியேட்டர், ஜிம், நீச்சல் குளம், கோயில், தோட்டம் போன்றவை அமைக்கப்படுகிறது. பங்களாவை அலங்கரிக்கும் பொறுப்பை பாலகிருஷ்ணா மனைவி வசுந்தரா ஏற்றுள்ளார். தற்போது அந்த பங்களாவின் மதிப்பு 100 கோடி ரூபாய் என்று கணக்கிடப்பட்டுள்ளது. கடந்த 2021ல் ரூ.15 கோடிக்கு வாங்கிய நிலத்தில் இந்த பங்களா கட்டப்பட்டு வருகிறது.

ஜெயிலர்  இரண்டாம் பாகத்தில் முதல் பாகம் போல் சுராஜ் வெஞ்சரமூடு, விநாயகனுக்கு பதிலாக அந்த இடத்துக்கு வருகிறார். அவருக்கும் மேல் இருக்கும் ‘பாஸ்’ தான் எஸ்.ஜே.சூர்யா. கோவாவில் அப்பா மிதுன் சக்ரவர்த்தி, சகோதரி வித்யா பாலன் மற்றும் 2 சகோதரர்களுடன் ஆடம்பர வாழ்க்கை வாழ்ந்து வருகிறார். இவர்களின் சாம்ராஜ்ஜியத்தை ஒழித்துக்கட்ட ரஜினிகாந்த் புறப்படுகிறார். அதன் பிறகு நடப்பதே அதிரி புதிரி விளையாட்டு.

‘ஜெயிலர்’ முதல் பாகத்தில் பார்த்த அதே வேகம், விவேகம், ஸ்டைல் என படம் முழுக்கவே தனது ஆர்ப்பரிக்கும் அவதாரத்தால் அப்ளாஸ் அள்ளுகிறார் சூப்பர் ஸ்டார் ரஜினிகாந்த். 50 ஆண்டுகாலமாக சினிமாவில் கோலோச்சி இருப்பதற்கும் பல மூத்த நடிகர்கள் முயற்சித்தும் எத்தனையோ இளம் நடிகர்கள் வந்தும் நம்பர் 1 அரியாசனத்தில் ரஜினி இருப்பதற்கான காரணத்தை அறிய வேண்டுமென்றால் இந்த படத்தைப் பார்த்தால் போதும். மனிதர் அதகளம் செய்திருக்கிறார்.

கோவையில் ஒரு டிபன் கடையில் கர்ப்பிணியை சித்ரவதை செய்யும்போது டைகர் முத்துவேல் பாண்டியனாக அவர் மாறும் இடம் மாஸ் என்றால், அவரை அவரது வீட்டிலேயே எஸ்.ஜே.சூர்யா தாக்கும்போது, அப்போது நடக்கும் சம்பவத்தால் மனதால் ரஜினி உடைந்துபோவது கிளாஸ். வீட்டு குழாயில் தண்ணீர் மண் கலந்து வருவதாக புகார் செய்ய மாநகராட்சி ஆபீசரிடம் செல்லும்போது அவர் காட்டும் பவ்யம், அங்கு ஆபீசரான பகவதி பெருமாள், உதாசினப்படுத்த முகம் தொங்கியபடி செல்லும் பாடிலாங்குவேஜ், பிறகு பகவதி பெருமாளை அக்கம் பக்கத்தினர் முன்பே லெஃப்ட் ரைட் எடுக்கும் ஆக்ரோஷம் என ஒருபுறம் பின்னியெடுக்கிறார் சூப்பர் ஸ்டார்.முதல் பாதி முழுக்க  திரைக்கதையில் கொண்டு வந்திருக்கும் காமெடியால் ரசிகர்களை ஆக்கிரமிக்கிறார். இரண்டாம் பாதியில் ஆக்‌ஷன் மோடில் படத்துக்கு வேகம் கூட்டுகிறார். ஒட்டுமொத்தமாக ரஜினிகாந்த் - நெல்சன் கூட்டணி மீண்டும் ஜெயித்திருக்கிறது, 

‘பாக்கெட் நாவல்’ படத்துக்கு ரசிகர்களிடம் அதிக எதிர்பார்ப்பு ஏற்பட்டுள்ளது. இயக்குவது மட்டுமின்றி, டைலர்டர்டன் அண்ட் கினோஃபிஸ்ட் நிறுவனம் சார்பில் தியாகராஜன் குமாரராஜா தயாரிக்கிறார். நீரவ்ஷா ஒளிப்பதிவு செய்ய, ஆண்ட்ரூ லூயிஸ் கதை, திரைக்கதை எழுதுகிறார். இப்படத்துக்கு இளையராஜா இசை அமைப்பதாக முன்பு அறிவிக்கப்பட்டது. ஏற்கனவே ‘மாடர்ன் லவ் சென்னை’ என்ற வெப்தொடரில், தியாகராஜன் குமாரராஜா இயக்கிய ‘நினைவோ ஒரு பறவை’ என்ற எபிசோடுக்கு இளையராஜா இசை அமைத்திருந்த நிலையில், தற்போது மீண்டும் இக்கூட்டணி இணைந்தது எதிர்பார்ப்பை ஏற்படுத்தியிருந்தது.
 
தமிழ், கன்னடம் உள்பட 4 மொழிகளில் படத்தை வெளியிட திட்டமிட்டு, கடந்த பிப்ரவரியில் படப்பிடிப்பு தொடங்கப்பட்டது. இந்நிலையில், திடீரென்று இசை அமைப்பாளர் மாற்றப்பட்டுள்ளதாக தகவல் வெளியாகியுள்ளது. அதன்படி இளையராஜாவுக்கு பதிலாக ஜி.வி.பிரகாஷ் குமார் இசை அமைப்பதாக கூறப்படுகிறது. தியாகராஜன் குமாரராஜாவுடன் ஏற்பட்ட கருத்து வேறுபாடு காரணமாக, இளையராஜாவே படத்தில் இருந்து விலகிவிட்டதாக ஒரு தகவல் வெளியாகியுள்ளது.

இந்திய திரையுலகின் சூப்பர் ஸ்டார் நடிகர்களில் ஒருவரான அமிதாப் பச்சன், தனது ஓய்வு குறித்த வதந்திகளுக்கு முற்றுப்புள்ளி வைக்கும் வகையில், ‘நான் ஏன் ஓய்வுபெற வேண்டும்?’ என்ற கேள்வியை எழுப்பியுள்ளார். சமீபத்தில் ஊடக நேர்காணல் ஒன்றில் பேசும்போது, ‘நான் ஏன் எனது பணியை கைவிடுவதை பற்றி யோசிக்க வேண்டும்? மக்கள் ஏன் என்னை எனது வேலையில் இருந்து ஓய்வுபெறச் செய்ய இவ்வளவு ஆர்வமாக இருக்கிறார்கள்?’ என்று கேள்வி எழுப்பினார். இந்த விவகாரத்தின் பின்னணி மற்றும் அவரது விளக்கம் தற்போது வெளியாகியுள்ளது.

அமிதாப் பச்சன் தனது வலைப்பதிவில் (பிளாக்) நள்ளிரவில் ஒரு பதிவை எழுதும்போது மிகவும் தாமதமாகிவிட்டதால், ‘நேரமாகிவிட்டது. இனி ஓய்வுபெற வேண்டியதுதான்’ (It’s late, time to retire) என்று குறிப்பிட்டு இருந்தார். ஆங்கிலத்தில் ‘Retire’ என்ற வார்த்தையை பதிவிடுவது, படுக்கைக்கு செல்வது என்ற அர்த்தத்திலும் புரிந்துகொள்ளலாம். ஆனால், அவரது ரசிகர்களும், ஊடகங்களும், திரையுலகில் இருந்து அமிதாப் பச்சன் ஒட்டுமொத்தமாக ஓய்வுபெற போகிறார் என்று தவறாக புரிந்துகொள்ளப்பட்டது. இதையடுத்து வெவ்வேறு யூகங்களை வலைத்தளங்களில் பதிவு செய்ய தொடங்கினர். இதனாலேயே அவர் இவ்வாறு பதில் கூறியுள்ளார்.

இந்திய வருவாய் பணி (ஐஆர்எஸ்) அதிகாரி தோ.சமயமுரளி எழுதி இயக்கி பின்னணி இசை அமைத்த படம், ‘எனிமி ஆஃப் தி ஸ்மக்ளர்’. இதிலிருந்து வெளியாகியுள்ள ‘தாமரை’, ‘தங்கம் தங்கம்’ ஆகிய பாடல்கள் ரசிகர்களின் பாராட்டுகளை குவித்துள்ளது. வரும் 30ம் தேதி பல்வேறு மொழிகளில் திரைக்கு வரும் இப்படத்தில்   ஜே.டி.சக்ரவர்த்தி, லால், சரண் சக்தி, பாலசரவணன், ஸ்மேஹா, ராதிகா, காளி வெங்கட், ஜாஃபர் சாதிக், மைம் கோபி நடித்துள்ளனர்.

எஸ்.ஆர் ட்ரீம் ஸ்டுடியோஸ் சார்பில் எஸ்.ராம் பிரகாஷ் தயாரித்துள்ள‌ார். படம் குறித்து தோ.சமயமுரளி கூறியதாவது: 2008ல் இந்திய வருவாய் பணி அலுவலர்கள் பிரிவில், சுங்கத்துறை அமலாக்கம் மற்றும் மறைமுக வரிவிதிப்பு துறைகளில் பணியாற்றினேன். நான் விசாரித்த சுங்கத்துறை வழக்குகளை அடிப்படையாக கொண்ட படம் இது. கடத்தல், நிழல் உலகம், சுங்கத்துறையின் செயல்பாடுகள் குறித்து மக்களுக்கு சொல்வதுடன், நாட்டின் பொருளாதார பாதுகாப்பு மற்றும் குற்றத்தடுப்பு பணிகளில் சுங்கத்துறை வகிக்கும் பங்கு பற்றிய விழிப்புணர்வை ஏற்படுத்த வேண்டும் என்பதே எனது நோக்கம்.

இந்த ஆண்டு தீபாவளி வரும் நவம்பர் 8ம் தேதி கொண்டாடப்படவுள்ளது. அன்று இந்தியா முழுவதும் பல்வேறு மொழிகளில் பல படங்கள் வெளியாக உள்ளன. அதில் முக்கியமாக, நிதேஷ் திவாரி இயக்கியுள்ள ‘ராமாயணா 1’ என்ற பான் வேர்ல்ட் படம் வரும் நவம்பர் 5ம் தேதி வெளியாகிறது. இப்படத்திற்கு உலகம் முழுவதும் அதிக எதிர்பார்ப்பு நிலவுகிறது.

அதேபோல தமிழில், தீபாவளியை முன்னிட்டு சில படங்களின் வெளியீடுகள் ஏற்கெனவே அறிவிக்கப்பட்டுள்ளன. அந்தவகையில், சுந்தர்.சி இயக்கத்தில் நயன்தாரா நடித்துள்ள ‘மூக்குத்தி அம்மன் 2’, ஜித்து மாதவன் இயக்கத்தில், சூர்யா, நஸ்ரியா நடித்துள்ள ‘சீன்’, மு.மாறன் இயக்கத்தில் விஜய் ஆண்டனி நடித்துள்ள ‘அப்பா குட்டி’ ஆகிய படங்கள் தீபாவளிக்கு 2 நாட்கள் முன்னதாக நவம்பர் 6ம் தேதி வெளியாகிறது.

மேலும், மனோஜ் நிர்மலா ஸ்ரீதரன் இயக்கத்தில் பிரபுதேவா நடித்துள்ள ‘மூன் வாக்’ படம் தீபாவளிக்கு வெளியாகும் என்று அறிவிக்கப்பட்டுள்ளது. இதுவரை 4 தமிழ் படங்கள் தீபாவளி ரேஸில் இணைந்துள்ளன. இதில் மேலும் சில படங்கள் சேரும் என்று எதிர்பார்க்கப்படுகிறது

திண்டுக்கல் லியோனி மகன் லியோ சிவகுமார் ஹீரோவாக நடித்துள்ள ‘டெலிவரி பாய்’ என்ற படம், இதன் டிரெய்லரை சிம்பு வெளியிட்டு படக்குழுவினரை வாழ்த்தினார். சுசீந்திரன் உதவியாளர் நானி எழுதி இயக்க, அசாசி கிரியேஷன்ஸ் சார்பில் அமுதா லியோனி தயாரித்துள்ளார். முக்கிய வேடங்களில் பிரிகிடா சாகா, ராதிகா, காளி வெங்கட், போஸ் வெங்கட், ஜென்சன் திவாகர், துஷ்யந்த், உதயா தீப் நடித்துள்ளனர்.
சாண்டி டாக்கீஸ் சார்பில் லெனின் மாதேஸ்வரன் இணைந்து தயாரிக்க, கே.எஸ்.சுந்தரமூர்த்தி இசை அமைத்துள்ளார்.
படம் குறித்து லியோ சிவகுமார் கூறுகையில், ‘அம்மா ராதிகாவுக்கும், அவரது மகனான எனக்கும் இடையிலான பாசத்தை மையப்படுத்தி படம் உருவாகியுள்ளது. சாதாரண டெலிவரி பாயான என் வாழ்க்கையில், திடீரென்று குறுக்கிடும் ஏழு பேரின் செயல்களால் என்ன பிரச்னை ஏற்படுகிறது என்பது கதை’ என்றார்.

மலையாள மூத்த நடிகர் மம்முட்டி, நடிப்பை தாண்டி தனது கேர் அண்ட் ஷேர் இன்டர்நேஷனல் ஃபவுண்டேஷன் அறக்கட்டளை மூலமாக பலருக்கும் இலவச மருத்துவ உதவிகளை செய்து வருகிறார். அந்த வகையில், சமீபத்தில் நேபாளத்தை சேர்ந்த டல்லோ சவுத் என்பவர் அவரது 17 வயது மகன் விக்ரம் உள்ளிட்ட குடும்பத்தினருடன், கடந்த மூன்று வருடங்களுக்கு முன்பு வேலை தேடி கேரளாவின் வயநாடு பகுதிக்கு குடிபெயர்ந்துள்ளார். அங்கு முன்னாள் எம்.எல்.ஏ, சி.கே.சசீந்திரன் என்பவரின் தோட்டத்தில் அவர்கள் வேலை செய்து வந்தனர்.

அந்த நேரத்தில் மகன் விக்ரமுக்கு இதயத்தில் பிரச்னை இருப்பது தெரியவந்தது. இந்த தகவலை மம்முட்டியிடம் கொண்டு சென்றார் சி.கே.சசீந்திரன். உடனடியாக எர்ணாகுளம் ஆலுவாவில் உள்ள ராஜகிரி மருத்துவமனையில் அந்த சிறுவனுக்கு இலவச சிகிச்சை அளிக்க ஏற்பாடு செய்தார் மம்மூட்டி. அதன்படி அந்த இளைஞருக்கு தற்போது அறுவை சிகிச்சை செய்து முடிக்கப்பட்டு, இதயத்தில் இருந்த பிறவிக் கோளாறு சரி செய்யப்பட்டுள்ளது.

சென்னை தி.நகர் அகரம் பவுண்டேஷன் அலுவலகத்தில், சிவகுமார் கல்வி அறக்கட்டளையின் 47வது ஆண்டு விழா நடந்தது. 
பிறகு மாணவர்களிடையே சூர்யா பேசும்போது, ‘இன்ஸ்டாகிராமில் ரீல்ஸ் பார்த்துக்கொண்டு இருந்தீர்கள் என்றால், அந்த ரீல்ஸ் என்பது ஒரு கதைதான். அதனால் நாம் எதையுமே கற்றுக்கொள்ள முடியாது. யாரை ஃபாலோ செய்கிறோம் என்பது மிகவும் முக்கியம். 24 மணி நேரத்தில் எலான் மஸ்க் 23 மணி நேரம் பணியாற்றுவாராம். ஒரு மணி நேரம் தூங்குவாராம். அவர்கள் எங்கிருந்து ஆரம்பித்து இங்கு வந்தார்கள் என்பதை வெறும் ரீல்ஸ் மட்டும் பார்க்காமல், நிறைய பாட்காஸ்ட், அவர்களை பற்றிய ரிசர்ச் ஒர்க் ஆகிவவற்றை கவனித்தால், உங்களுக்குள் இருக்கும் திறமையை வெளியே கொண்டு வர அவை உதவும்’ என்றார்.

அருள்நிதி நடித்த ‘இரவுக்கு ஆயிரம் கண்கள்’, உதயநிதி ஸ்டாலின் நடித்த ‘கண்ணை நம்பாதே’, ஜி.வி.பிரகாஷ் குமார் நடித்த ‘பிளாக்மெயில்’ ஆகிய படங்களை எழுதி இயக்கிய மு.மாறன், தற்போது எழுதி இயக்கியுள்ள படம், ‘அப்பா குட்டி’. தந்தை, மகள் பாசத்தை மையப்படுத்திய இப்படத்தில் விஜய் ஆண்டனி, பிரீத்தி அஸ்ரானி, பேபி லிதன்யா, பகவதி பெருமாள், ஹரிப்பிரியா, மதன், சித்ரா லட்சுமணன், ஜா ரவி, முத்துக்குமார், ஜென்சன் திவாகர், முருகானந்தம், மூணாறு ரமேஷ், லிசி ஆண்டனி நடித்துள்ளனர். ராஜீவ் ராஜேந்திரன் ஒளிப்பதிவு செய்துள்ளார்.
விஜய் ஆண்டனி இசை அமைத்து எடிட்டிங் செய்துள்ளார். வரும் நவம்பர் 6ம் தேதி படம் திரைக்கு வருகிறது. குடும்ப உணர்வுகள், விறுவிறுப்பான ஆக்‌ஷன் காட்சிகள், பொழுதுபோக்கு அம்சங்கள் என்று, தீபாவளி கொண்டாட்டத்துக்கான அனுபவத்தை படம் வழங்கும் என்று கூறப்படுகிறது.

‘ராஜவம்சம்’ கே.வி.கதிர்வேலு இயக்க, சாம் சி.எஸ் இசை அமைத்துள்ள காமெடி மற்றும் குடும்ப சென்டிமெண்ட் படம், ‘சிங்காரம்’. ராக் புரொடக்‌ஷன் சார்பில் ஏ.எஸ்.ரமண பாலாஜி, பத்மாவதி காந்தி இணைந்து தயாரித்துள்ளனர். வரும் 30ம் தேதி படம் திரைக்கு வருகிறது. கதையின் நாயகனாக யோகி பாபு நடித்துள்ளார். மற்றும் வேல.ராமமூர்த்தி, எம்.எஸ்.பாஸ்கர், மரியா வின்சென்ட், ஆர்த்தி கணேஷ், மனோபாலா, கல்கி, மாரிமுத்து, படவா கோபி, சென்ராயன், டி.எஸ்.ஆர்., தீபா சங்கர், சபீதா ராய், ஜாவா சுந்தரேசன், கே.எம்.கணேஷ்கர் நடித்துள்ளனர்.

பிரசன்னா எஸ்.குமார் ஒளிப்பதிவு செய்ய, குருராஜ் அரங்கம் அமைத்துள்ளார். லாரன்ஸ் கிஷோர் எடிட்டிங் செய்துள்ளார். நரிக்குறவர் சமுதாயத்தை சேர்ந்த யோகி பாபு, தனக்கு எதிரான அடக்குமுறைகளையும், சவால்களையும் எதிர்கொண்டு, தனது வாழ்க்கையை தீர்மானிக்கும் துணிச்சலை பெறுவதே மையக்கரு. தனது உரிமையையும், சுயமரியாதையையும் நிலைநாட்ட போராடும் சாதாரண மனிதனின் பயணத்தை நகைச்சுவையாகவும், உணர்வுப்பூர்வமாகவும் படமாக்கியுள்ளனர்.

zoy (ஸாய்) சானிட்டரி பேட்கள் அறிமுக நிகழ்ச்சியில் இந்நிறுவனத்தின் இணை நிறுவனர் நடிகை சமந்தா, விளையாட்டு வீராங்கனை வித்யா உள்ளிட்டோர் பங்கேற்றனர். அப்போது பேசிய சமந்தா, ‘‘பெண்களுக்கு தங்கள் உடல்நலம் குறித்து விழிப்புணர்வு அதிகரித்துள்ளது. தற்காலத்தில் பெண்கள் தங்களது உடல், ஹார்மோன் ஆரோக்கியம், கருவுறுதல் மனநலம், தூக்கம் மற்றும் மன அழுத்தம் போன்ற விஷயங்கள் குறித்து விழிப்புணர்வுடனும் தயக்கமின்றியும் பேசத் தொடங்கியுள்ளனர்.

முந்தைய தலைமுறையினர் மாதவிடாய் மற்றும் உடல்நலப் பிரச்சினைகளை வெளியில் சொல்லாமல் சகித்துக் கொண்டனர். ஆனால் தற்போதைய தலைமுறை சிறந்த தீர்வுகளையும் ஆரோக்கியமான மாற்று வழிகளையும் கேள்வி கேட்கத் தொடங்கியுள்ளது. ஸாய் என்ற இயற்கை பருத்தி மற்றும் மூலிகை அம்சங்கள் கொண்ட, ரசாயனங்கள் மற்றும் பிளாஸ்டிக் அற்ற மாதவிடாய் பேட் தயாரிப்பில் ஈர்க்கப்பட்டு, வெறும் விளம்பரதாரராக இல்லாமல் அதில் முதலீட்டாளராகவும் இணைந்துள்ளேன்’’ என்றார்.

காமெடி மற்றும் குணச்சித்திர வேடங்களில் நடித்து வந்த அப்புக்குட்டி, சுசீந்திரன் இயக்கிய ‘அழகர்சாமியின் குதிரை’ என்ற படத்தில் கதையின் நாயகனாக நடித்தார். இப்படத்துக்காக, சிறந்த துணை நடிகருக்கான தேசிய விருது அவருக்கு கிடைத்தது. இதையடுத்து பல்வேறு படங்களில் அவர் ஹீரோவாக நடித்தார். அதில் சில படங்கள் வெற்றிபெறவில்லை. சில படங்கள் திரைக்கு வராமல் இருக்கிறது. இதுகுறித்து அப்புக்குட்டி கூறுகையில், ‘நான் ‘அழகர்சாமியின் குதிரை’ என்ற படத்துக்கு பிறகு காமெடி வேடத்தில் நடிப்பதா, ஹீரோவாக நடிப்பதா என்ற கடுமையான குழப்பம் ஏற்பட்டது. என்னால் ஒரு உறுதியான முடிவு எடுக்க முடியவில்லை.

எனவே, என்னை தேடி வரும் வாய்ப்புகளை பயன்படுத்திக் கொள்வதுதான் சரி என்று முடிவு செய்து, அதன்படியே சின்ன சின்ன வேடங்களில் தெடர்ந்து நடித்தேன். தேசிய விருது கிடைத்ததால், தொடர்ந்து விருது கதைகளாகவே என்னை தேடி வருகிறது. ‘வாழ்க விவசாயி’, ‘ஜீவகாருண்யம்’, ‘ஆ.கன்னியப்பன்’, ‘பிறந்தநாள் வாழ்த்துகள்’ போன்ற படங்களில் அதுபோன்ற கதைகள் அமைந்தது. விருதுகள் வாங்குவது என்பது மிகப்பெரிய சந்தோஷம் என்றாலும், அதைவிட காமெடி ஹீரோவாகவே புகழ்பெற விரும்புகிறேன். அப்படி யாரும் என்னை சரியாக பயன்படுத்தவில்லையே என்ற ஆதங்கம் இருக்கிறது. சுசீந்திரன் மாதிரி எனது நடிப்பை முழுமையாக வெளிக்கொண்டு வருவதற்கு ஒரு இயக்குனர் வருவார் என்று காத்திருக்கிறேன்’ என்றார்.

 ‘பார்க்கிங்’ என்ற படத்துக்காக தேசிய விருது பெற்ற எம்.எஸ்.பாஸ்கர் கதையின் நாயகனாக நடித்துள்ள படம், ‘விடியும் காத்திரு’. மற்றும் அம்ஜதா ஷெரின், கோபி அயோத்தி, ராகேஷ், பேபி ஸ்ரீஜிதா நடித்துள்ளனர். பிரெண்ட்ஸ் புரொடக்‌ஷன் ஹவுஸ் சார்பில் எம்.ரவிச்சந்திரன், அயோத்தி, வளர்மதி தயாரித்துள்ளனர். உத்ரா புரொடக்‌ஷன்ஸ் படத்தை வெளியிடுகிறது. ஆர்.அரவிந்தராஜன் எழுதி இயக்கியுள்ளார்.

சி.சத்யா இசை அமைக்க, ஜி.தாமோதரன் எடிட்டிங் செய்து ஒளிப்பதிவு செய்துள்ளார். மெட்ரோ மகேஷ் சண்டைப் பயிற்சி அளிக்க, ராஜன் வலிவிட்டான் அரங்கம் அமைத்துள்ளார். ஐஸ்வர்யா நடனப் பயிற்சி அளித்துள்ளார். படம் குறித்து ஆர்.அரவிந்தராஜன் கூறியதாவது:

காமெடி, குணச்சித்திரம், வில்லன் என்று வித்தியாசமான வேடங்களில் நடித்து வரும் எம்.எஸ்.பாஸ்கரிடம் கதையின் நாயகனாக நடிக்க வேண்டும் என்று சொன்னபோது பயந்தார். இது கமல்ஹாசன் சார் நடிக்க வேண்டிய கதை என்று சொன்ன பிறகு மனம் மாறி சம்மதித்தார். ஹீரோவாக நடிக்க வயது ஒரு தடையல்ல என்று நிரூபித்துள்ளார். அவரது வித்தியாசமான போலீஸ் கேரக்டர் ரசிகர்களுக்கு புதிய அனுபவமாக இருக்கும்.

இளையராஜா இசை அமைக்க, கார்த்திக் சுப்பராஜ் எழுதி இயக்கிய ‘டோரதி’ என்ற படத்தில் கீர்த்தி சுரேஷ், ரிஷிகாந்த், சனந்த் நடித்திருந்தனர். இப்படம் நல்ல வரவேற்பை பெற்றுள்ள நிலையில், வெற்றிவிழாவில் இயக்குனர்கள் வசந்தபாலன், சசி, லிங்குசாமி ஆகியோர் பேசினர். மிஷ்கின் பேசும்போது, ‘இப்படத்தின் மூலம் திருநர் சமூகத்தை மிகவும் உயர்ந்த இடத்துக்கு கார்த்திக் சுப்பராஜ் எடுத்துச் சென்றுள்ளார். சீர்கெட்ட சமூகத்தை ‘டோரதி’ மூலம் தூக்கி நிறுத்தியுள்ளார். இது வசூலை தாண்டி, மிகச்சிறந்த படமாக காலம் கடந்தும் நிற்கும்.

இளையராஜாவை தொடர்ந்து நான் கார்த்திக் சுப்பராஜ் காலில்தான் விழ வேண்டும். எல்லோரையும் விட வாழ்க்கையை நன்கு புரிந்தவர்கள், திருநங்கைகள். இப்படம் சகிப்புத்தன்மை குறித்து அனைவருக்கும் கற்றுக்கொடுக்கிறது. காதுகள் இருப்பது, இளையராஜாவின் இசையை கேட்க. கண்கள் இருப்பது, ‘டோரதி’ போன்ற படங்களை பார்க்க. தமிழில் வெளியான ‘கடைசி விவசாயி’, ‘கொட்டுக்காளி’ ஆகிய படங்களை விட 100 மடங்கு சிறப்பான படம் ‘டோரதி’. மாஸ் ஹீரோ டெம்ப்ளேட்டை உடைத்து ரிஷிகாந்த், சனந்த் ஆகியோர் முன்னணி ஹீரோவாகி இருக்கிறார்கள். கீர்த்தி சுரேஷ்தான் இப்படத்தின் உயிர்’ என்றார்.

தசரத மன்னராக அருண்கோவில் இடம்பெறும் போஸ்டரை ‘ராமாயணா’ படக்குழு வெளியிட்டுள்ளது. இந்திய ரசிகர்களின் மனதில் நீங்காத இடத்தை பிடித்த ராமர் கேரக்டருடன் அடையாளம் காணப்படும் அருண்கோவிலுக்கு இது முக்கியமான அத்தியாயமாக அமைந்துள்ளது. ராமரின் தந்தையும், அயோத்தி மன்னருமான தசரதராக அருண்கோவில் காட்சியளிக்கிறார். இரண்டு பாகங்கள் கொண்ட இப்படத்தின் முதல் பாகம், வரும் தீபாவளிக்கு திரைக்கு வருகிறது. ராமாயணத்துடன் மிகவும் நெருக்கமான பிணைப்பு கொண்டுள்ள அருண்கோவில், தற்போது அதே காவியத்தில் மற்றொரு கதாபாத்திரத்தில் நடிப்பது குறிப்பிடத்தக்கது.

போஸ்டரை வெளியிட்டுள்ள படக்குழு, ‘ஒரு தலைமுறைக்கே ராமராக இருந்தவர், தற்போது அயோத்தி மன்னர் தசரதராக, மீண்டும் ராமாயண உலகிற்கு அருண்கோவில் திரும்புகிறார்’ என்று பதிவிட்டுள்ளது. நிதேஷ் திவாரி இயக்கியுள்ள இப்படத்தில் ராமராக ரன்பீர் கபூர், சீதையாக சாய் பல்லவி, ராவணனாக யஷ், கைகேயியாக லாரா தத்தா, கைகேசியாக ஷோபனா, ஹனுமனாக சன்னி தியோல், லட்சுமணனாக ரவி துபே, மண்டோதரியாக காஜல் அகர்வால், சூர்ப்பனகையாக ரகுல் பிரீத் சிங் நடித்துள்ளனர். இந்தியா முழுவதும் இந்தி, தமிழ், தெலுங்கு, கன்னடம், மலையாளம் ஆகிய மொழிகளில் ஐமேக்ஸ் திரைகளில் படம் வெளியாகிறது.