கார்த்திக் சுப்புராஜ் தயாரிப்பில் வைபவ் நடிக்கும் படத்தின் டைட்டில் ரிலீஸ்

இயக்குனர் கார்த்திக் சுப்புராஜ் தயாரிக்கும் 16 வது திரைப்படத்தின் டைட்டிலை படக்குழு அறிவித்துள்ளது.இயக்குனர் கார்த்திக் சுப்புராஜ், பீட்சா படத்தை இயக்கியதன் மூலம் ரசிகர்களால் அறியப்படுபவர். அதைத் தொடர்ந்து இவர் ஜிகர்தண்டா, பேட்ட, ஜிகர்தண்டா டபுள் எகஸ் போன்ற பல வெற்றி படங்களை கொடுத்து ரசிகர்கள் மனதில் நீங்கா இடம் பிடித்துள்ளார். தற்போது இவரது இயக்கத்தில் 'ரெட்ரோ' எனும் திரைப்படம் உருவாகி வருகிறது. இந்த படத்தில் சூர்யா கதாநாயகனாக நடிக்க பூஜா ஹெக்டே கதாநாயகியாக நடித்துள்ளார். இந்த படமானது மே 1-ம் தேதி வெளியாகும் என தெரிவிக்கப்பட்டுள்ளது.
இயக்குனராக மட்டுமில்லாமல் தனது ஸ்டோன்பென்ச் நிறுவனத்தின் மூலம் பல படங்களையும் கார்த்திக் சுப்புராஜ் தயாரித்து வருகிறார். அதன்படி, 'மெர்குரி’, ‘பென்குயின்' உள்ளிட்ட படங்களை கார்த்திக் சுப்புராஜ் தயாரித்திருந்தார். கார்த்திக் சுப்புராஜின் ஸ்டோன் பென்ச் நிறுவனம் தயாரிக்கும் 3 படங்களுக்கு கதாநாயகியாக நடிக்க சமூக வலைதள பிரபலம் நிஹாரிகா ஒப்பந்தமாகியுள்ளார்.

Beleive us when we say that the problem is #Perusu #Pedha and outrightly a BIG one for everyone to see 👀

A #FunFamilyFuneral Film 🕺

Thank you @Dir_Lokesh for unveiling the title ❤️@actor_vaibhav @sunilreddy22 @ilango_ram15 @kaarthekeyens #HarmanBaweja #HiranyaPerera… pic.twitter.com/epRBEbwPrL

— Stone Bench (@stonebenchers) January 13, 2025

வைபவ் மற்றும் பிரியா பவானி ஷங்கர் இணைந்து நடித்த மேயாத மான் திரைப்படம் இவர் முதலில் தயாரித்த திரைப்படமாகும். ஸ்டோன் பென்ச் நிறுவனம் இதுவரை 15 திரைப்படம் தயாரித்துள்ளது குறிப்பிடத்தக்கது. அவர்கள் தயாரிக்கும் 16- வது திரைப்படத்தின் பர்ஸ்ட் லுக் போஸ்டரை நேற்று வெளியிட்டனர். இப்படத்தில் வைபவ் மற்றும் அவரது சகோதரர் சுனில் முக்கிய கதாப்பாத்திரத்தில் நடித்துள்ளனர். பர்ஸ்ட் லுக் போஸ்டரில் அவர்கள் சவப்பெட்டியை தூக்கிக்கொண்டு நடனம் ஆடுவது போல் காட்சி அமைந்துள்ளது.இந்நிலையில், வைபவ் நடிக்கும் படத்தின் டைட்டிலை படக்குழு அறிவித்துள்ளது. படத்திற்கு 'பெருசு' என்று பெயர் சூட்டியுள்ளனர். இந்த படத்தில் வைபவ் தவிர சுனில், பால சரவணன், ரெடின் கிங்ஸ்லி, தீபா மற்றும் பலர் முக்கிய கதாபாத்திரங்களில் நடிக்கின்றனர். இந்த படம் இறுதிச் சடங்கு சம்பந்தமான கதைக்களத்தில் காமெடி கலந்த குடும்ப பொழுதுபோக்கு படமாக உருவாகிறது.