கர்ணன் படத்தால் உற்சாகத்தில் துள்ளிக் குதிக்கும் மலையாள நடிகை!

கர்ணன் படத்திற்கு கிடைத்துள்ள பெரும் வரவேற்பை அடுத்து நடிகை ரஜிஷா விஜயன் மகிழ்ச்சியில் ஆழ்ந்துள்ளார்.

மாரி செல்வராஜ் இயக்கத்தில் தனுஷ் நடிப்பில் வெளியாகியுள்ள கர்ணன் படத்திற்கு மக்களிடையே அமோக வரவேற்பு கிடைத்துள்ளது. இதனால் படக்குழுவினர் மிகுந்த உற்சாகத்தில் உள்ளனர்.

இந்தப் படத்தின் மூலம் மலையாள நடிகை ரஜிஷா விஜயன் தமிழ் சினிமாவில் அறிமுகமாகியுள்ளார். அறிமுகமான முதல் படமே சூப்பர் ஹிட் வெற்றி பெற்றுள்ளதால் அவர் மிகுந்த மகிழ்ச்சியில் உள்ளார்.

இதுகுறித்து அவர் வெளியிட்டுள்ள பதிவில் “கடந்த இரண்டு நாட்களாக என் உணர்ச்சிகளை வெளிப்படுத்த சரியான சொற்கள் கிடைக்காமல் நான் மிகவும் கடினமாக யோசித்து வருகிறேன். இறுதியில் என்னால் ‘நன்றி’ என்ற ஒரே ஒரு வார்த்தையை மட்டுமே கொண்டு வர முடிந்தது.

கர்ணனை நேசித்த ஒவ்வொருவருக்கும் எனது மனமார்ந்த நன்றி. என்னை நம்பி திரௌபதியாக நடிக்க வைத்து உங்கள் வியக்க வைக்கும் சினிமா பிரபஞ்சத்திற்குள் என்னை அழைத்துச் சென்றதற்காக மாரி சாருக்கு நன்றி. ஒரு நடிகையாக எனக்கு மிகவும் நிறைவான அனுபவங்களில் இப்படமும் ஒன்று. எனக்கு ஊக்கமளித்ததற்காகவும், சிறந்த சக நடிகராக இருந்ததற்காகவும் தனுஷ் சாருக்கு நன்றி. உங்களிடமிருந்து நான் நிறைய கற்றுக்கொண்டேன். வலுவான தூணாக இருந்ததற்காக தானு சாருக்கு நன்றி. இதுபோன்ற ஒரு திடமான படத்தை உருவாக்குவதில் கடின உழைப்பைச் செய்த ஒவ்வொரு தொழில்நுட்ப வல்லுநருக்கும். மிகவும் திறமையான மற்றும் ஆதரவான எனது சக நடிகர்கள் அனைவருக்கும், பெரும்பாலும் எங்களையும் எங்கள் படத்தையும் நேசித்ததற்காக பார்வையாளர்களுக்கு கடன் பட்டிருக்கிறேன்” என்று தெரிவித்துள்ளார்.