பிரபல நடிகை ஹேமா சௌத்ரி மருத்துவமனையில் அனுமதி
Dec 20, 2023, 15:56 IST
பழம்பெரும் கன்னட திரைப்பட நடிகை ஹேமா சவுத்ரி, உயிருக்கு ஆபத்தான நிலையில் மருத்துவனையில் சிகிச்சை பெற்று வருகிறார்.
கன்னட திரையுலகின் பிரபல நடிகையாக வலம் வந்தவர் ஹேமா சவுத்ரி. கடந்த இரு நாட்களுக்கு முன்பாக மூளையில் ஏற்பட்ட ரத்தக்கசிவு காரணமாக பெங்களூரில் உள்ள தனியார் மருத்துவமனையில் அனுமதிக்கப்பட்டார். தற்போது அவரது உடல்நிலையில், எந்த முன்னேற்றமும் இல்லை எனவும், அவருக்கு தீவிர சிகிச்சை தேவைப்படுகிறது எனவும் மருத்துவ நிர்வாகம் தரப்பில் தெரிவிக்கப்பட்டு உள்ளது. நடிகை ஹேமாவுக்கு அடுத்தக்கட்ட சிகிச்சை அளிப்பது தொடர்பாக கலந்து ஆலோசிக்க வெளிநாட்டில் இருக்கும் அவரது மகன் வருகைக்காக குடும்பத்தினர் காத்திருப்பதாக தெரிவித்தனர்.