'பிரேமம்' நடிகைக்கு நிச்சயதார்த்தம் முடிந்துவிட்டதா ?..  அவரே சொன்ன தகவல் !

மலையாள நடிகை அனுபமா பரமேஸ்வரன் தனக்கு நிச்சயம் முடிந்துவிட்டதாக தெரிவித்துள்ளார். 

 ‘பிரேமம்’ படத்தின் மூலம் நடிகையாக அறிமுகமானவர் அனுபமா பரமேஸ்வரன், முதல் படமே சூப்பர் ஹிட்டடிக்க அடுத்தடுத்த திரைப்படங்களில் பிசியாக நடித்து வருகிறார். மலையாள நடிகையான இவர், தமிழ், தெலுங்கு உள்ளிட்ட மொழிகளில் நடித்து வருகிறார். 

தமிழில் தனுஷ் நடிப்பில் உருவான ‘கொடி’ படத்திலும், அதர்வாவின் ‘தள்ளிப்போகாதே’ படத்திலும் கதாநாயகியாக நடித்தார். தமிழில் போதிய வாய்ப்பு இல்லாததால் தெலுங்கு பக்கம் ஒதுங்கிய அவருக்கு ஏராளமான வாய்ப்புகள் குவிகிறது. தெலுங்கில் சமீபத்தில் அவர் நடிப்பில் வெளியான ‘கார்த்திகேயா 2’, ‘18 பேஜஸ்’ ஆகிய திரைப்படங்கள் மாபெரும் வெற்றி பெற்றுள்ளன. 

இதற்கிடையே கிரிக்கெட் வீரர் பூம்ராவை நடிகை அனுபமா பரமேஸ்வரன் காதலித்து வருவதாக தகவல் வெளியானது. இந்நிலையில் தனக்கு நிச்சயதார்த்தம் முடிந்துவிட்டதாக தனது இன்ஸ்டாகிராம் பக்கத்தில் அனுபமா பரமேஸ்வரன் தெரிவித்துள்ளார். இது ரசிகர்களிடையே ஆச்சர்யத்தை ஏற்படுத்தியுள்ளது.