'லூசிபர் 2' படம் தொடங்குவது எப்போது ?..  புதிய அப்டேட் 

 மோகன்லால் நடிப்பில் உருவாக உள்ள 'லூசிபர் 2' படத்தின் படப்பிடிப்பு குறித்து முக்கிய தகவல் வெளியாகியுள்ளது. 

மலையாளத்தில் மோகன்லால் நடிப்பில் உருவாகும் மாபெரும் ஹிட்டித்த திரைப்படம் ‘லூசிஃபர்’. இந்தியாவையே மிரள‌ வைத்த இந்த படத்தில் மோகன்லால் அரசியல்வாதியாகவும், அண்டர்கிரவுண்ட் கேங்ஸ்டராகவும் நடித்திருந்தார். பன்முக திறமைக் கொண்ட நடிகரான பிரத்விராஜ் இப்படத்தை இயக்கியிருந்தார். 

இந்த படத்தில் விவேக் ஓபராய், மஞ்சுவாரியர், பிரத்விராஜ் உள்ளிட்டோர் முக்கிய கதாபாத்திரங்களில் நடித்திருந்தனர். குறைந்த பட்ஜெட்டில் உருவான இப்படம் வசூலை வாரி குவித்தது. நல்ல விமர்சனங்களை குவித்த இப்படம் தெலுங்கிலும் உருவாகி வெளியாகியுள்ளது. சிரஞ்சீவி நடிப்பில் வெளியான இப்படம் நல்ல விமர்சனங்களை பெற்றுள்ளது. 

இப்படத்தின் இரண்டாம் பாகத்தின் பணிகள் கடந்த சில மாதத்திற்கு முன்பு தொடங்கியது. ‘எம்புரான்’ என்ற தலைப்பில் உருவாகும் இந்த படத்தை முதல் பாகத்தை தயாரித்த ஆசிர்வாத் சினிமாஸ்தான் இந்த படத்தையும் தயாரிக்கவுள்ளது. இந்நிலையில் இப்படத்தின் முதற்கட்ட பணிகள் விறுவிறுப்பாக நடைபெற்று வருகிறது. அடுத்த ஆண்டு மத்தியில் படப்பிடிப்பு தொடங்கும் எனவும் அறிவிக்கப்பட்டுள்ளது.