லியோ படத்தில் இன்னும் 3 பாடல்கள்.... லோகேஷ் கனகராஜ் தகவல்...

லியோ படத்தில் இதுவரை வெளியானது போக, இன்னும் 3 பாடல்கள் இருப்பதாக படத்தின் இயக்குநர் லோகேஷ் கனகராஜ் தெரிவித்துள்ளார்.

மாஸ்டர் திரைப்படத்தை தொடர்ந்து மீண்டும் விஜய் மற்றும் லோகேஷ் கனகராஜ் கூட்டணி அமைத்துள்ள திரைப்படம் லியோ. 7 ஸ்கிரீன் ஸ்டுடியோஸ் தயாரிக்கும் இப்படத்திற்கு அனிருத் இசை அமைக்கிறார். படத்தில் த்ரிஷா, அர்ஜூன், சஞ்சய் தத், மன்சூர் அலிகான், கவுதம் மேனன் உள்பட பலர் முக்கிய கதாபாத்திரங்களில் நடித்துள்ளனர். 

படத்திலிருந்து ஏற்கனவே இரண்டு பாடல்கள் முன்னோட்டம் வெளியாகி வரவேற்பை பெற்றன. இந்நிலையில், வெளியான இரண்டு பாடல்கள் போக இன்னும் லியோ படத்தில் 3 பாடல்கள் இருப்பதாகவும், அவை அனைத்துமே கதையுடன் இணைந்து அருமையாக உருவாக்கப்பட்டுள்ளதாகவும் இயக்குநர் லோகேஷ் கனகராஜ் தெரிவித்துள்ளார்.