பிரபல தயாரிப்பாளரை சந்தித்த அஜித்... மாஸ் சந்திப்பா இருக்கே !

லைக்கா நிறுவனத்தின் தயாரிப்பாளர் சுபாஷ்கரனை நடிகர் அஜித் சந்தித்த புகைப்படங்கள் வெளியாகியுள்ளது. 

‘வலிமை’ படத்திற்கு பிறகு எச்.வினோத் இயக்கத்தில் உருவாகும் ‘ஏகே 61’ படத்தில் நடிகர் அஜித் நடித்து வருகிறார். போனி கபூர் தயாரிக்கும் இப்படத்தின் படப்பிடிப்பு விறுவிறுப்பாக நடைபெற்று வருகிறது. இதுவரை 60 சதவீத படப்பிடிப்பு நடைபெற்றுள்ள நிலையில் தற்போது சண்டைக் காட்சிகள் படமாக்கப்பட்டு வருகிறது. 

இந்த படத்தையடுத்து அஜித்தின் 62வது படத்தை நானும் ரௌடிதான், காத்துவாக்குல ரெண்டு காதல் உள்ளிட்ட படங்களை இயக்கிய விக்னேஷ் சிவன் இயக்கவுள்ளார். லைக்கா தயாரிப்பில் உருவாகும் இந்த படத்தின் முன் தயாரிப்பு பணிகள் பிசியாக நடைபெற்று வருகிறது. 

இந்த படத்தில் கதாநாயகியாக நடிக்க ஐஸ்வர்யா ராயிடம் பேச்சுவார்த்தை நடைபெற்று வருகிறது. அடுத்த ஆண்டு ஜனவரியில் இப்படத்தின் படப்பிடிப்பு துவங்கவுள்ள நிலையில் விரைவில் முடித்து வெளியிட திட்டமிடப்பட்டுள்ளது. இந்நிலையில் இப்படத்தின் தயாரிப்பாளர் சுபாஷ்கரணை நடிகர் அஜித் சந்தித்த புகைப்படங்கள் இணையத்தில் வெளியாகியுள்ளது. இதை பார்த்த ரசிகர்கள் விரைவில் அப்டேட் இருக்கும் என்று எதிர்பார்த்து காத்திருக்கின்றனர்.