சென்னை ஏர்போர்ட்டில் படமாகும் ‘இந்தியன் 2’.. அடுத்தக்கட்ட படப்பிடிப்பு குறித்து முக்கிய அப்டேட் !

 கமல் நடிப்பில் உருவாகும் ‘இந்தியன் 2’ படத்தின் அடுத்தக்கட்ட படப்பிடிப்பு குறித்து முக்கிய அப்டேட் வெளியாகியுள்ளது. 

ஷங்கர் - கமல் கூட்டணியில் உருவாகி வரும் திரைப்படம் ‘இந்தியன் 2’. படப்பிடிப்பு ஏற்பட்ட விபத்து காரணமாக கடந்த இரண்டு ஆண்டுகளாக நிறுத்தப்பட்ட இப்படம் கடந்த இரண்டு மாதங்களுக்கு முன்பு மீண்டும் தொடங்கியது. இதையடுத்து விறுவிறுப்பாக படப்பிடிப்பு பணிகள் நடைபெற்று வருகிறது. 

இந்த படத்தின் படப்பிடிப்பு கடந்த மாதம் திருப்பதியில் நடைபெற்றது. இதில் 1920 ஆண்டுகளில் நடைபெறும் ப்ளாஷ்பேக் காட்சிகள் எடுக்கப்பட்டது. இந்த படப்பிடிப்பில் கமல் மற்றும் காஜல் அகர்வால் நடிக்கும் முக்கிய காட்சிகள் படமாக்கப்பட்டது. 

இந்நிலையில் ‘இந்தியன் 2’ படத்தின் அடுத்தக்கட்ட படப்பிடிப்பு குறித்த தகவல் வெளியாகியுள்ளது. அதன்படி இந்த படப்பிடிப்பு அடுத்த மாதம் 5-ஆம் தேதி துவங்கவுள்ளது. சென்னை விமான நிலையத்தில் 12 நாட்கள் வரை இந்த படப்பிடிப்பு நடைபெறவுள்ளது. இதில் மிக முக்கிய காட்சிகள் படமாக்கப்பட உள்ளது.