முழுக்க முழுக்க ஆக்ஷனில் உருவாகியுள்ள கதிரின் ‘யூகி’.. மிரட்டலான டீசர் மற்றும் ரிலீஸ் அறிவிப்பு !
கதிர் நடிப்பில் உருவாகியுள்ள ‘யூகி’ படத்தின் டீசர் மற்றும் ரிலீஸ் குறித்த அறிவிப்பு வெளியாகியுள்ளது.
இளம் நடிகராக இருக்கும் கதிர், வித்தியாசமான கதைக்களங்களை தேர்ந்தெடுத்து நடித்து வருகிறார். அந்த வகையில் கதிர் நடிப்பில் உருவாகி வரும் திரைப்படம் ‘யூகி’. இந்த படத்தில் கதிருடன் இணைந்து நரேன் மற்றும் நட்ராஜ் முக்கிய கதாபாத்திரங்களில் நடித்து வருகின்றனர்.
தமிழ் மற்றும் மலையாளம் என இரு மொழிகளில் உருவாகும் இந்த படத்தை அறிமுக இயக்குனர் ஜாக் ஹாரிஸ் இயக்கி வருகிறார். இந்த படத்தில் கதிருக்கு ஜோடியாக கயல் ஆனந்தி நடித்துள்ளார். இவர்களுடன் ‘குக் வித் கோமாளி’ பவித்ரா லக்ஷ்மி, நடிகை ஆத்மியா, வினோதினி, ஜான் விஜய் உள்ளிட்டோர் முக்கிய வேடங்களில் நடித்துள்ளனர். இப்படத்திற்கு மலையாள இசையமைப்பாளர் ரஞ்சின் ராஜ் இசையமைத்துள்ளார்.
யுஏஎன் பிலிம் நிறுவனம் தயாரிக்கும் இந்த படத்தை 11_11 சினிமா நிறுவனம் வெளியிட உள்ளது. இந்நிலையில் இப்படம் நவம்பர் 18-ஆம் தேதி வெளியாகும் என அறிவிக்கப்பட்டுள்ளது. இதையொட்டி இப்படத்தின் டீசர் வெளியாகியுள்ளது. முழுக்க முழுக்க ஆக்ஷனில் உருவாகியுள்ள இந்த டீசர் வரவேற்பை பெற்றுள்ளது.