வடிவேலு பாடிய ‘அப்பத்தா’ பாடல்.. ‘நாய் சேகர் ரிட்டர்ன்ஸ்’ சூப்பர் அப்டேட் ! 

வடிவேலு நடிப்பில் உருவாகி வரும் ‘நாய் சேகர் ரிட்டர்ன்ஸ்’ படத்தின் ஃப்ர்ஸ்ட் சிங்கிள் பாடல் குறித்த அறிவிப்பு வெளியாகியுள்ளது. 

காமெடி கிங் மேக்கரான 'வைகைபுயல்' வடிவேலு நடிப்பில் உருவாகி வரும் திரைப்படம் ‘நாய் சேகர் ரிட்டர்ன்ஸ்’. லைக்கா தயாரிப்பில் உருவாகும் இப்படத்தை சுராஜ் இயக்கி வருகிறார். வித்தியாசமான காமெடி கதைக்களம் கொண்ட இப்படத்திற்கு எதிர்பார்ப்பு ஏற்பட்டுள்ளது. 

இந்த படத்தில் வடிவேலுவுடன் இணைந்து நடிகை ஷிவாணி நாராயணன், ரெடின் கிங்ஸ்லி உள்ளிட்டோர் முக்கிய கதாபாத்திரங்களில் நடித்துள்ளனர். ஏற்கனவே இந்த படத்திலிருந்து வெளியான போஸ்டர்கள் ரசிகர்களிடையே நல்ல வரவேற்பை பெற்றுள்ளது. தற்போது இந்த படத்தின் இறுதிக்கட்ட பணிகள் நடைபெற்று வருகிறது. 

விரைவில் வெளியாகவுள்ள இந்த படத்திற்கு சந்தோஷ் நாராயணன் இசையமைத்துள்ளார். இந்நிலையில் இப்படத்தின் ஃப்ர்ஸ்ட் சிங்கிள் பாடல் நாளை மாலை 7 மணிக்கு வெளியாகும் என அறிவிக்கப்பட்டுள்ளது. ‘அப்பத்தா’ என தொடங்கும் இந்த பாடலை வடிவேலு பாடியுள்ளார். பாடலாசிரியர் விவேக் எழுதிய இந்த பாடலுக்கு பிரபுதேவா மாஸ்டர் நடனம் அமைத்துள்ளார் என்பது குறிப்பிடத்தக்கது.