ஹீரோவாகும் நிதின் சத்யா.. பூஜையுடன்  தொடங்கியது படப்பிடிப்பு !

நிதின் சத்யா ஹீரோவாக நடிக்கும் படத்தின் படப்பூஜை நிகழ்ச்சி இன்று நடைபெற்றது. 

தமிழ் சினிமாவில் நீண்ட நாட்களாக போராடி வரும் ஹீரோக்களில் ஒருவர் நிதின் சத்யா. முன்னணி ஹீரோக்களின் படங்களில் சிறிய கதாபாத்திரத்தில் நடித்து வந்தார். கமலின் வசூல்ராஜா எம்.பி.பி.எஸ் படத்தின் மூலம் நடிகராக அறிமுகமானார். அதன்பிறகு மஜா, ராமன் தேடிய சீதை, சென்னை 28, அரண்மனை உள்ளிட்ட படங்களில் நடித்துள்ளார். 

இதையடுத்து புதிய படத்தின் மூலம் கதாநாயகனாக நிதின் சத்யா நடிக்கிறார். கொடுவா என்ற தலைப்பில் உருவாகும் இப்படத்தை அறிமுக இயக்குனர் சுரேஷ் சாத்தையா இயக்குகிறார். இந்த படத்தில் நிதின் சத்யாவுக்கு ஜோடியாக சம்யுக்தா ஷான் நடிக்கிறார். தரண்குமார் இசையில் உருவாகும் இப்படத்திற்கு கார்த்திக் ஒளிப்பதிவாளராக பணியாற்ற உள்ளார். 

வித்தியாசமான கதைக்களத்தில் உருவாகும் இப்படத்தை துவாரகா ஸ்டுடியோ நிறுவனம் தயாரிக்கவுள்ளது‌. இந்நிலையில் இப்படத்தின் படப்பூஜை நிகழ்ச்சி இன்று சென்னையில் நடைபெற்றது. இதில் நடிகர் நிதின் சத்யா, சம்யுக்தா ஷான், இயக்குனர் சுரேஷ், நடிகர் சந்தானபாரதி உள்ளிட்டோர் கலந்துக்கொண்டனர். இதையடுத்து விரைவில் இப்படத்தின் படப்பிடிப்பு தொடங்கவுள்ளது.