உத்தர பிரதேச முதல்வர் யோகி ஆதித்யநாத் உடன் ‘கண்ணப்பா’ படக்குழு சந்திப்பு...!

உத்தர பிரதேச முதல்வர் யோகி ஆதித்யநாத்தை  ‘கண்ணப்பா’ படக்குழுவினர் சந்தித்துள்ளனர். 

நடன இயக்குநர், நடிகர், இயக்குநர் என பன்முகத் திறமை கொண்ட பிரபு தேவா. தற்போது தெலுங்கு படமான ‘கண்ணப்பா’ படத்தில் நடித்துள்ளார். இந்தப் படம் வருகிற 25ஆம் தேதி வெளியாகவுள்ளதாக இருந்தது. ஆனால் வி.எஃப்.எக்ஸ் முடியாதது காரணங்களால் தள்ளி போனது. இந்த நிலையில் ‘கண்ணப்பா’ படக்குழுவினர் உத்தர பிரதேச முதல்வர் யோகி ஆதித்யநாத்தை சந்தித்து படத்தின் புது ரிலீஸ் தேதியை வெளியிட்டுள்ளனர். ஜூன் 27ஆம் தேதி இப்படம் வெளியாகவுள்ளது. இந்த சந்திப்பில் படக்குழுவினருடன் பிரபு தேவாவும் இருந்தார். அவர் யோகி ஆதித்யநாத்துக்கு சால்வை அணிவித்து மகிழ்ந்தார். மேலும் அவரை சந்தித்தது மகிழ்ச்சி எனவும் அவரது விருந்தோம்பலுக்கும் வரவேற்புக்கும் நன்றி என தனது எக்ஸ் பக்கத்தில் பதிவிட்டுள்ளார்.