சிம்பு படத்தில் இணைந்த நடிகர் சந்தானம்..!

நடிகர் சிம்புவின் 49வது திரைப்படத்தில் சந்தானம்  முக்கிய கதாப்பாத்திரத்தில் நடிப்பதாக தகவல் வெளியாகி உள்ளது. 

நடிகர் சிலம்பரசன் தற்போது அவரது 49வது படமாக பார்க்கிங் பட இயக்குனர் ராம்குமார் பாலகிருஷ்ணன் இயக்கத்தில் நடிக்கிறார். இதனை டான் பிக்சர்ஸ் நிறுவனம் தயாரிக்கின்றனர். இந்த படத்தின் முதற்கட்ட படப்பிடிப்பு துபாயில் துவங்கியுள்ளதாக கூறப்படுகிறது. கூடுதலாக இதில் நீண்ட இடைவெளிக்குப் பிறகு சந்தானம் முக்கிய கதாபாத்திரத்தில் நடிக்க இணைந்துள்ளதாக கூறப்படுகிறது.

சந்தானம் கதாநாயகனாக நடிக்க தொடங்கிய பிறகு மற்ற நடிகர்களின் படங்களில் நடிப்பதை தவிர்த்து வந்தார். மதகஜராஜா படத்தின் வெற்றியே இந்த மாற்றத்திற்கு காரணம் என்கிறார்கள். தற்போது சந்தானம் ஹீரோவாக டிடி நெக்ஸ்ட் லெவல் என்ற படத்தில் நடித்துள்ளார். விரைவில் இப்படம் திரைக்கு வர உள்ளது.