சந்தானம் நடித்துள்ள DD Next Level படக்குழுவிற்கு வாழ்த்து தெரிவித்த நடிகர் சிம்பு...!
சந்தானம் நடித்துள்ள DD Next Level படக்குழுவிற்கு நடிகர் சிம்பு வாழ்த்து தெரிவித்துள்ளார்.
இயக்குநர் பிரேம் ஆனந்த் இயக்கத்தில் சந்தானம் நடிப்பில் வெளியான 'டிடி ரிட்டன்ஸ்' திரைப்படம் மிகப்பெரிய வெற்றியைப் பெற்றது. இதனையடுத்து இப்படத்தின் அடுத்த பாகமான DD Next Level உருவாகியுள்ளது. முதலாம் பாகத்தை இயக்கிய ப்ரேம் ஆனந்த் இப்படத்தையும் இயக்கியுள்ளார். மேலும் இப்படத்தில், இயக்குநர்கள் கவுதம் மேனன், செல்வராகவன் ஆகியோர் முக்கிய கதாபாத்திரத்தில் நடித்துள்ளனர். இவர்களுடன் கீத்திகா திவாரி, யாஷிகா, கஸ்தூரி,பிரமாஜி, நிழல்கள் ரவி, ஷா ரா, லொல்லு சபா மாறன், ராஜேந்திரன், லொல்லு சபா ஜீவா மற்றும் பலர் முக்கிய கதாப்பாத்திரத்தில் நடித்துள்ளனர்.
இப்படத்தை நடிகர் ஆர்யாவின் தயாரிப்பு நிறுவனமான‘ தி பீபுல் ஷோ’ மற்றும் நிஹரிகா எண்டெர்டெயின்மண்ட் நிறுவனம் தயாரித்துள்ளது. படத்தின் பர்ஸ்ட் லுக் ஏற்கனவே வெளியாகி மக்களிடையே நல்ல வரவேற்பை பெற்றது. DD Next Level திரைப்படம் மே 16ம் தேதி வெளியாக உள்ள நிலையில், படத்தின் ட்ரைலரை படக்குழு வெளியிட்டது. இதனை பகிர்ந்த நடிகர் சிம்பு, படக்குழுவினருக்கு வாழ்த்து தெரிவித்துள்ளார்.