டப்பிங்கை தொடங்கிய மஞ்சு வாரியர்.. விறுவிறுப்பாகும் ‘துணிவு’ பணிகள் !

‘துணிவு’ படத்தின் டப்பிங்கை பிரபல நடிகையான மஞ்சு வாரியர் தொடங்கியுள்ளார். 

அஜித்தின் மிரட்டலான நடிப்பில் உருவாகி வரும் திரைப்படம் ‘துணிவு’. உண்மையை சம்பவத்தை வைத்து உருவாகும் இப்படம் வங்கிக் கொள்ளையை மையமாக வைத்து உருவாகும் கதைக்களத்தை கொண்டது. இந்த படத்தை அஜித்தின் நேர்கொண்ட பார்வை, வலிமை ஆகிய படங்களை இயக்கிய எச்.வினோத் இயக்கி வருகிறார். 

இந்த படத்தில் ஹீரோ மற்றும் வில்லன் என இரட்டை வேடத்தில் அஜித் நடித்துள்ளார். போனி கபூர் தயாரிக்கும் இப்படம் வரும் பொங்கலுக்கு வெளியாகவுள்ளது. இதையொட்டி இப்படத்தின் தயாரிப்புகள் விறுவிறுப்படைந்துள்ளது. இந்நிலையில் இந்த தயாரிப்பு பணியின் ஒரு பகுதியாக நடிகை மஞ்சு வாரியர் தனது டப்பிங்கை தொடங்கியுள்ளார். விரைவில் இந்த பணிகள் நிறைவுபெறும் என கூறப்படுகிறது. 

இந்த படத்தில் மஞ்சு வாரியர் கதாநாயகியாக நடித்துள்ளார். இவர்களுடன் இந்த படத்தில் சமுத்திரகனி, ஜான் கொக்கன், வீரா உள்ளிட்டோர் முக்கிய கதாபத்திரங்களில் நடித்துள்ளனர். ஜிப்ரான் இசையில் உருவாகி வரும் இப்படத்தின் பாடல் ஒன்றை அனிரூத் பாடியுள்ளார். விரைவில் இந்த படத்தின் ஃப்ர்ஸ்ட் சிங்கிள் வெளியாகவுள்ளது என்பது குறிப்பிடத்தக்கது.