ரசிகர்களின் எதிர்பார்ப்பை பூர்த்தி செய்ததா அஜித்குமாரின் ’விடாமுயற்சி’... விமர்சனம் இதோ..
இரண்டு வருட காத்திருப்பிற்கு பின் நடிகர் அஜித்குமார் நடிப்பில் வெளியாகியிருக்கும் ’விடாமுயற்சி’ இணையத்தில் பரவலான பாரட்டுகளையும் விமர்சனங்களையும் பெற்று வருகிறது.
இயக்குநர் மகிழ் திருமேனி இயக்கத்தில் அஜித்குமார், த்ரிஷா, அர்ஜூன், ஆரவ், ரெஜினா உள்ளிட்ட பலர் நடிப்பில் உருவாகும் திரைப்படம் ’விடாமுயற்சி’.இந்தப் படத்துக்கு அனிருத் இசையமைத்துள்ளார். லைகா நிறுவனம் படத்தை தயாரித்துள்ளது. பல்வேறு சிக்கல்களுக்கு பிறகு இன்று ’விடாமுயற்சி’ உலகம் முழுவதும் வெளியாகியுள்ளது.
தமிழ் சினிமாவின் முன்னணி நடிகரான அஜிகுமார் நடிப்பில் இரண்டு ஆண்டுகளுக்குப் பிறகு வெளிவரும் திரைப்படமாக ’விடாமுயற்சி’ உள்ளது. கடந்த 2023ஆம் ஆண்டு பொங்கல் பண்டிகையை முன்னிட்டு வெளியான 'துணிவு' திரைப்படத்திற்கு பிறகு இரண்டு வருடங்கள் கழித்து வெளியாகும் அஜித்தின் திரைப்படம் என்பதால் ரசிகர்கள் பண்டிகை போல கொண்டாடி வருகின்றனர். இன்று காலையில் இருந்தே மேள தாளம், கட் அவுட்டுக்கு பாலபிஷேகம், இசை கச்சேரிகள் என தூள் கிளப்பி வருகின்றனர் அஜித் ரசிகர்கள்.
மற்றொரு பதிவில், ”சிறப்பான முதல் பாதியும், கொஞ்சம் சுமாரான இரண்டாம் பதியும் இருக்கிறது. இடைவேளைக் காட்சியும் அதற்கு பிறகான சண்டை காட்சிகளும் படத்தின் முக்கியமான ஹைலைட்டுகள். அஜித்குமாரை திரையில் பார்ப்பதற்கு நன்றாக இருக்கிறது. நல்ல திரைக்கதையுடன் கூடிய முதல் பாதியும் முன்கூட்டியே கணிக்கக்கூடிய ஆக்ஷன் நிறைந்த இரண்டாம் பாதியுமாக விடாமுயற்சி கண்டிப்பாக பார்க்கக்கூடிய படம். அனிருத்தின் இசையும் பாடல்களும் படத்திற்கு மிகப்பெரிய ப்ளஸ்” என பதிவிட்டுள்ளனர்.
மொத்தத்தில் படம் குறித்து எதிர்மறையான விமர்சனங்கள் பெரிதாக வரவில்லையென்றாலும் பெரும்பாலான ரசிகர்களின் விருப்பத்தை பூர்த்தியும் செய்யவில்லை என்பதே தெரிகிறது. பிரேக்டவுன் எனும் ஹாலிவுட் படத்தின் தழுவல்தான் விடாமுயற்சி என பலரும் கூறி வந்த நிலையில் படத்திற்கு வரும் கருத்துகளை வைத்து அதனை நாம் உறுதி செய்ய முடிகிறது. ஆனாலும் இரண்டு வருடங்கள் கழித்து வந்துள்ள அஜித் படம் என்பதால் அவரது ரசிகர்கள் கொண்டாட்டத்தில் உள்ளனர்.