பிரம்மாண்டமாக படமாகும் ‘கேப்டன் மில்லர்’... தனுஷ் படத்தின் புதிய அப்டேட் 

 தனுஷ் நடிப்பில் உருவாகும் ‘கேப்டன் மில்லர்’ படத்தின் புதிய அப்டேட் வெளியாகியுள்ளது. 

 'ராக்கி', சாணிக் காயிதம் ஆகிய படங்களை இயக்கிய அருண் மாதேஸ்வரன் இயக்கத்தில் தனுஷ் நடிப்பில் உருவாகி வரும் திரைப்படம் ‘கேப்டன் மில்லர்’. இந்த படத்தில் தனுஷூக்கு ஜோடியாக பிரியங்கா அருள் மோகன் நடித்து வருகிறார். இவர்களுடன் சிவ ராஜ்குமார், சந்தீப் கிஷன், ஜான் கொக்கன், நிவேதா சதீஷ் உள்ளிட்டோர் முக்கிய கதாபாத்திரங்களில் நடித்து வருகின்றனர்.  

சத்ய ஜோதி பிலிம்ஸ் தயாரிக்கும் இப்படத்திற்கு ஜி.வி.பிரகாஷ் இசையமைத்து வருகிறார். தமிழ், தெலுங்கு, இந்தி என பான் இந்தியா திரைப்படமாக இப்படம் உருவாகி வருகிறது. 1930-ல் நடந்த மிகப்பெரிய கேங்ஸ்டர் கதைக்களத்தை கொண்ட படமாக இப்படம் உருவாகிறது.

இப்படத்தின் படப்பிடிப்பு தென்காசி மற்றும் அதன் சுற்று வட்டார பகுதிகளில் நடைபெற்று வருகிறது. பிரீயட் படமாக உருவாகும் இப்படத்தின் படப்பிடிப்பு பெரும்பாலும் செட் போட்டு படமாக்கப்பட்டு வருகிறது. இந்நிலையில் இப்படத்தின் படப்பிடிப்பு குற்றாலம் பகுதியில் நடைபெற்று வருகிறது. இந்த படப்பிடிப்பில் ஆயிரத்திற்கும் மேற்பட்ட துணை நடிகர், நடிகைகள் மற்றும் கலைஞர்கள் கலந்துக் கொண்டுள்ளனர். முழுக்க முழுக்க பிரம்மாண்ட காட்சிகள் படமாக்கப்பட்டு வருகிறது. இதில் தனுஷ், பிரியங்கா அருள் மோகன் மற்றும் ஜான் கொக்கைன் உள்ளிட்டோரின் காட்சிகள் படமாக்கப்பட்டு வருகிறது.