‘குட் பேட் அக்லி’ மாதிரியே அடுத்த படமும் இருக்குமா ?-ஆதிக் ரவிச்சந்திரன் பேட்டி 

இயக்குனர் ஆதிக் ரவிச்சந்திரன் நடிகர் அஜித்தை வைத்து குட் பேட் அக்லீ என்ற படத்தினை இயக்கினார் .இந்த படம் வசூலில் சக்கை போடு போட்டது .இந்த படம் அஜித்தின் மற்ற படங்களை விட சிறப்பான வசூலை அள்ளியது குறிப்பிடத்தக்கது .இந்நிலையில் அஜித்தின் அடுத்த படத்தையும் அவரே இயக்குகிறார் .
ஆதிக் ரவிச்சந்திரனிடம், அஜித் குமாரின் அடுத்த படம் குறித்து நிருபர்கள் கேள்வி கேட்டனர். அதற்கு பதிலளித்த ஆதிக் ரவிச்சந்திரன், ‘மீண்டும் அஜித் சார் நடிக்கும் படத்தை இயக்கும் வாய்ப்பு எனக்கு கிடைத்துள்ளதை நினைத்து மிகவும் சந்தோஷப்படுகிறேன். ‘குட் பேட் அக்லி’ மாதிரியே அடுத்த படத்தையும் இயக்க முடியாது.

வித்தியாசமாக உருவாக்க வேண்டும். இதுகுறித்த அதிகாரப் பூர்வ அறிவிப்பு விரைவில் வரும். ‘குட் பேட் அக்லி’ படம், இந்த ஆண்டின் மிகப்பெரிய வெற்றிப் படம் என்று பலர் சொல்கின்றனர். அதைக்கேட்டு நிஜமாகவே எனக்கு மகிழ்ச்சியாகவும், பெருமையாகவும் இருக்கிறது. அதுபோல் வேறு சில படங்களும் ரசிகர்கள் மத்தியில் நல்ல வரவேற்பை பெற்றுள்ளன. நல்ல கதையம்சம் கொண்டுள்ள நிறைய படங்கள் அமோக வெற்றிபெற்றுள்ளன. மறுபுறம், கமர்ஷியல் கதை கொண்டுள்ள படங்களும் நல்ல வரவேற்பை பெறுவதில் அதிக மகிழ்ச்சி’ என்று சொன்னார்.