"ரஜினிகாந்த்தின்  அறிமுக பாடலுடன் படப்பிடிப்பை தொடங்குகிறோம்"-தர்மன் படம் பற்றி இயக்குனர் 

கமல்ஹாசன் தயாரிப்பில் ரஜினிகாந்த், சிம்ரன், ராசி கன்னா நடிக்கும் படம், ‘தர்மன்’. இதை எழுதி இயக்கும் அஸ்வத் மாரிமுத்து கூறுகையில், ‘ரஜினிகாந்த் சார் நடிக்கும் படத்தை இயக்க வேண்டும் என்பது அனைத்து உதவி இயக்குனர்களுக்கும் இருக்கும் ஆசை என்று சொல்லலாம். ஆனால், கமல்ஹாசன் சார் தயாரிப்பில் ரஜினிகாந்த் சார் நடிக்கும் படம் என்பது ஒரு வரலாறு. அதில் நானும், எனது டீமும் ஒரு அங்கமாக இருப்பது மிகவும் சந்தோஷம். இது நான் இயக்கும் படம் மட்டும் இல்லை, நிறைய உதவி இயக்குனர்களுடைய கனவில் உருவாகும் ஒரு படம்.

அவர்களின் கனவை நான் எடுத்துக்கொள்கிறேன். அவர்களின் பிரதிநிதியாக இப்படத்தை சிறப்பாக உருவாக்கி கொடுக்க முடியும் என்று நம்புகிறேன். இப்படத்தை இயக்க வழிவிட்ட எனது புதுப்பட தயாரிப்பு நிறுவனமான ஏஜிஎஸ் எண்டர்டெயின்மெண்ட் மற்றும் சிம்புவுக்கு மிகவும் நன்றி. இசை அமைப்பாளர் அனிருத்துடன் முதல்முறையாக இணைகிறேன். படத்தில் மொத்தம் 8 பாடல்கள் இருக்கிறது. அனைத்துமே வெவ்வேறு ஜானர். ரஜினிகாந்த் சாரின் அறிமுக பாடலுடன் படப்பிடிப்பை தொடங்குகிறோம்.