கோவிந்தா...கோவிந்தா.... லியோ படம் வெற்றிபெற திருப்பதியில் படக்குழு சாமி தரிசனம்

லியோ படம் வெற்றி அடைய வேண்டி இயக்குநர் லோகேஷ் உள்பட படக்குழுவினர் அனைவரும் திருப்பதியில் சாமி தரிசனம் செய்தனர். 

கோலிவுட்டில் பெரிதும் எதிர்பார்க்கப்பட்ட படமான லியோ வரும் அக்டோபர் 19 ஆம் தேதி வெளியாக உள்ளது. படத்திற்கான டிக்கெட் முன்பதிவு வரும் 15 ஆம் தேதி முதல் தொடங்கும் என கூறப்படுகிறது. படம் வெளியாக ஒரு பக்கம் விளம்பர பணியில் ஈடுபட்டு இருக்கும் படக்குழு, மற்றொரு பக்கம் ஆன்மிகத்திலும் ஈடுபட்டு உள்ளது. அந்த வகையில் லியோ பட இயக்குநரான லோகேஷ் கனகராஜ், ரத்ன குமார் உள்ளிட்ட படக்குழுவினர் அனைவரும் திருப்பதி மலையில் நடை பாதையாக சென்று சாமி தரிசனம் செய்து உள்ளனர்.