"அருந்ததி" படத்தில் அனுஷ்கா நடிக்க வாய்ப்பு பெற்றது எப்படி தெரியுமா ?

அனுஷ்கா நடித்த அருந்ததி படம் மாபெரும் வெற்றி பெற்று வசூலை வாரி குவித்தது .இந்த படத்தில் அனுஷ்காவிற்கு வாய்ப்பு எப்படி கிடைத்தது என்பது பற்றி நாம் இப்பதிவில் காணலாம் 
அனுஷ்காவின் வாழ்க்கையில் பல வெற்றிப் படங்கள், சூப்பர் ஹிட் படங்கள் இருக்கலாம்.. ஆனால் அவரின் வாழ்க்கையில் அருந்ததி திரைப்படம் மிகவும் சிறப்பு வாய்ந்தது 
கோடி ராமகிருஷ்ணா இயக்கிய இந்த திகில் திரில்லர் படம் பாக்ஸ் ஆபீஸில் சூப்பர் ஹிட்டானது. சுமார் 13 கோடி பட்ஜெட்டில் தயாரிக்கப்பட்ட இந்தப் படம், 70 கோடிக்கு மேல் வசூல் செய்து சாதனை புரிந்தது 
இந்தப் படத்திற்குப் பிறகு, அனுஷ்கா மிகவும் பிரபலமானார். பாகுபலி போன்ற பான் இந்திய படங்களில் நடிக்கும் வாய்ப்பை பெற்றார். இருப்பினும், இந்தப் படத்தில் அனுஷ்கா ஆரம்பத்தில் பரிசீலிக்கப்படவில்லை.
அருந்ததி படத்தில் நடிக்க மம்தா மோகன்தாஸை தயாரிப்பாளர்கள் முதலில் அணுகியிருந்தனர். அவர்கள் கதையையும் கூறியிருந்தனர். இருப்பினும், இந்த திட்டம் தொடங்குகுவதற்கு முன்பே அருந்ததி படத்திலிருந்து மம்தா விலகிவிட்டார். இதை அவரே ஒரு நேர்காணலில் தெரிவித்தார்.
அதன் பிறகு, கன்னட நடிகை பிரேமாவை அணுகினார். ஆனால் அவர் ஏற்கனவே பல படங்களில் பிஸியாக இருந்தார். இதன் காரணமாக, தேதிகளை ஒதுக்க முடியாததால் அந்த வாய்ப்பை இழந்தார். கடைசியாக அந்த வாய்ப்பை அனுஷ்கா பெற்றார்.