அடுத்தடுத்து அப்டேட்களை அள்ளிவிடும் 'எல் 2 எம்புரான்' படக்குழு ...!

எல் 2 எம்புரான் படக்குழு தொடர்ந்து அப்டேட்களை கொடுத்து ரசிகர்களை மகிழ்ச்சியில் ஆழ்த்தி வருகிறது. 

தென்னிந்திய சினிமாவில் முன்னணி நடிகராக இருப்பவர் மோகன்லால். இவர் நடிப்பில், மலையாள நடிகர் பிருத்விராஜ் இயக்கத்தில் கடந்த 2019-ம் ஆண்டு வெளியான திரைப்படம் `லூசிபர்'. இந்த படத்தின் மூலம் பிருத்விராஜ் இயக்குனராக அறிமுகமானார். தற்போது, இந்த படத்தின் 2-ம் பாகம் தயாராகி வருகிறது.இப்படம் மார்ச் 27-ந் தேதி வெளியாக உள்ளது.  இந்த படத்திற்கு 'எல் 2 எம்புரான்' என பெயரிடப்பட்டுள்ளது. இதில், மோகன்லால், பிருத்விராஜ், மஞ்சுவாரியர், டோவினோ தாமஸ்,  சுராஜ் வெஞ்சரமூடு, இந்திரஜித் சுகுமாரன்  உள்ளிட்ட பலர் நடிக்கின்றனர்.’லூசிபர்' படத்தின் இரண்டாம் பாகமாக உருவாகியுள்ளதால் இதன் மீது மிகுந்த எதிர்பார்ப்பு உள்ளது.   

இந்நிலையில், இப்படத்தில் நடித்துள்ள முக்கியமான 36 கதாபாத்திரங்களை 18 நாட்களில்  'எல் 2 எம்புரான்' படக்குழு வெளியிட்டு வருகிறது. அந்த வகையில் படத்தை இயக்கி நடித்துள்ள பிருத்விராஜ் கதாபாத்திர போஸ்டர் வெளியாகி உள்ளது. இப்படத்தில் பிருத்விராஜ் Zayed Masood என்ற கதாபாத்திரத்தில் நடித்துள்ளார்.