சினிமாவிலிருந்து இடைவெளி எடுக்கும் லோகேஷ் கனகராஜ்

நடிகர் விஜய், இயக்குநர் லோகேஷ் கனகராஜுடன் கூட்டணி அமைத்து தயாராகி வரும் திரைப்படம் 'லியோ'. இந்த படத்தில் அவருக்கு ஜோடியா திரிஷா நடித்துள்ளார். ஆக்ஷன் அதிரடியில் உருவாகும் இந்த படத்திற்கு அனிருத் இசையமைத்துள்ளார். படத்தில் சஞ்சய் தத், மிஸ்கின், சாண்டி மாஸ்டர், பிரியா ஆனந்த் என பலர் முக்கிய கதாப்பாத்திரத்தில் நடித்துள்ளனர். லியோ படத்திலிருந்து 3 பாடல்கள் மற்றும் முன்னோட்டம் ஏற்கனவே வெளியாகி உள்ளன. கடந்த 19-ம் தேதி உலகம் முழுவதும் இத்திரைப்படம் வெளியாகி மாபெரும் வரவேற்பை பெற்று வருகிறது. 

முதல் நாளிலேயே 400 கோடி ரூபாய் வசூலித்த லியோ திரைப்படம் தற்போது, 7 நாட்களில் 500 கோடி ரூபாய்க்கு மேல் உலகம் முழுவதும் வசூல் ஈட்டியுள்ளது. இந்நிலையில், லியோ படத்தின் வெற்றி விழாவை வரும் நவம்பர் 1-ம் தேதி சென்னை நேரு உள்விளையாட்டு அரங்கில் நடைபெற உள்ளது. 

இதைத்தொடர்ந்து, ரஜினி நடிக்கும் அடுத்த படத்தை லோகேஷ் கனகராஜ் இயக்குகிறார். இந்நிலையில், லியோ படம் நிறைவு அடைந்ததை தொடர்ந்து தற்போது 6 மாதத்திற்கு ஓய்வு எடுக்க உள்ளதாக லோகேஷ் கனகராஜ் தெரிவித்துள்ளார். அடுத்த ஆண்டு ஏப்ரல் மாதத்தில் ரஜினி படத்தின் படப்பிடிப்பை தொடங்கவும் அவர் முடிவு செய்துள்ளார்.