வித்யுத் ஜம்வால் நடிக்கும் ஆங்கில படம் -மதராஸி நடிகரின் மகத்தான சாதனை .

பிரபல நடிகர் வித்யுத் ஜம்வால் சமீபத்தில் முருகதாஸ் இயக்கத்தில் ,சிவகார்த்திகேயன் நடிப்பில் வெளியான மதராஸி படத்தில் வில்லனாக மிரட்டியுள்ளார் .இந்த படம் வசூலில் சக்கை போடு போட்டு வருகிறது .மேலும் வித்யுத் ஜம்வால் நடிப்பு அனைவராலும் பாராட்ட படுகிறது 
இந்தி நடிகர் வித்யுத் ஜம்வால், தமிழில், துப்பாக்கி, அஞ்சான், ‘மதராஸி’ படங்களில் நடித்துள்ளார். இவர் ‘ஸ்ட்ரீட் பைட்டர்’ என்ற ஹாலிவுட் ஆக்ஷன் படத்தில் தால்சிம் என்ற கதாபாத்திரத்தில் நடிப்பதாகச் செய்திகள் வெளியாகி இருந்தன. அவருடன் ஆண்ட்ரு கோஜி, நோவா சென்டினியோ, ஜேசன் மோமோவா ஆகியோர் நடிக்கின்றனர் என்றும் இந்த படம் கேப்காமின் பிரபலமான வீடியோ கேம் தொடரை அடிப்படையாகக் கொண்டது என்றும் கூறப்பட்டது.
இந்நிலையில் அவர் நடிப்பதை ஹாலிவுட் தயாரிப்பு நிறுவனமான பாரமவுண்ட் பிக்சர்ஸ் உறுதிப்படுத்தியுள்ளது. “ரகசியங்கள், நீண்ட காலம் தாக்குப்பிடிக்காது.‘ஸ்ட்ரீட் பைட்டர்’ இப்போது தயாரிப்பில் இருக்கிறது. 2026-ம் ஆண்டு அக்டோபர் 16-ல் வெளியாகும்” என்று தெரிவித்துள்ள இந்நிறுவனம் அதில் நடிப்பவர்களின் பெயர்களையும் வெளியிட்டுள்ளது.