பிரமாண்டமாக நடைபெற்ற  ’மூக்குத்தி அம்மன் 2’ பட பூஜை...!

சுந்தர்.சி இயக்கத்தில் நயன்தாரா நடிக்கவுள்ள ’மூக்குத்தி அம்மன் 2’ திரைப்பட பூஜை பிரமாண்டமாக  நடைபெற்றது.

‘அரண்மனை 4’ படத்துக்குப் பிறகு சுந்தர்.சியின் அடுத்த படம் குறித்து பல்வேறு தகவல்கள் வெளியானது. அந்த வகையில் தற்போது சுந்தர்.சி நயன்தாராவை வைத்து  ‘மூக்குத்தி அம்மன் 2’ படத்தை இயக்க உள்ளதாக அறிவிக்கப்பட்டது. கடந்த 2020-ம் ஆண்டு  நடிகர் ஆர்ஜே பாலாஜி, என்.ஜே.சரவணனுடன் இணைந்து இயக்கிய படம், ‘மூக்குத்தி அம்மன்’. இதில் நயன்தாரா, மூக்குத்தி அம்மனாக நடித்திருந்தார்.  இந்த படம் ரசிகர்கள் இடையே நல்ல வரவேற்பைப் பெற்றது