‘கூலி’ படத்தின் அடுத்த அப்டேட் கொடுத்த படக்குழு.. 

ரஜினிகாந்த் நடிக்கும் ‘கூலி’ படத்தின் 3வது பாடலான பவர் ஹவுஸ் வரும் 22ம் தேதி வெளியாகும் என படக்குழு அறிவித்துள்ளது.  

இயக்குநர் லோகேஷ் கனகராஜ் இயக்கத்தில்  சூப்பர்ஸ்டார் ரஜினி நடிப்பில் உருவாகி வரும் திரைப்படம் ‘கூலி’.இந்தப்படத்தில்  ரஜினியுடன் அமீர்கான், நாகர்ஜுனா, சத்யராஜ், சவுபின் ஷாஹிர், ஸ்ருதிஹாசன், பஹத் ஃபாசில், ரெபோ மோனிகா ஜான் மற்றும் உபேந்திரா ஆகிய முன்னணி நட்சத்திரங்கள் பலர் நடித்துள்ளனர்.  சன்பிக்சர்ஸ் நிறுவனம் தயாரிக்கும் இந்தப்படத்திற்கு அனிருத் இசையமைக்கிறார்.  

படக்குழு கூட்டணியே ரசிகர்கள் மத்தியில் பெரும் எதிர்பார்ப்பை  எகிறச் செய்துள்ள நிலையில், அண்மையில் படத்தில் இடம்பெற்ற ‘மோனிகா’ பாடல் கடந்தவாரம் வெளியாகி மிகப்பெரிய வரவேற்பை பெற்றது. ‘கூலி’ திரைப்படம் ஆகஸ்ட் 14ம் தேதி வெளியாகும் என அறிவிக்கப்பட்டுள்ளது.  

இதனிடையே தற்போது கூலி படத்தில் இடம்பெற்றுள்ள மூன்றாவது பாடல் குறித்த அறிவிப்பை படக்குழு வெளியிட்டுள்ளது. அதாவது படத்தில் இடம்பெற்றுள்ள ‘பவர் ஹவுஸ்’ பாடல் வருகிற 22ம் தேதி இரவு 9.30 மணிக்கு வெளியாகும் என படக்குழு அறிவித்திருக்கிறது.