‘தக் லைஃப்’ படத்தின் ட்ரெய்லர் நாளை ரிலீஸ்...!

கமல்ஹாசன், சிலம்பரசன் நடித்துள்ள ‘தக் லைஃப்’ படத்தின் ட்ரெய்லர் நாளை (மே 17) வெளியாக உள்ளது.

மணிரத்னம் இயக்கத்தில் கமல், சிம்பு, அசோக் செல்வன், த்ரிஷா, அபிராமி உள்ளிட்ட பலர் நடிப்பில் உருவாகியுள்ள படம் ‘தக் லைஃப்’. மெட்ராஸ் டாக்கீஸ், ராஜ்கமல் இன்டர்நேஷனல் மற்றும் ரெட் ஜெயண்ட் மூவிஸ் ஆகிய நிறுவனங்கள் இணைந்து தயாரித்துள்ளன. தமிழ், தெலுங்கு, இந்தி, மலையாளம் மற்றும் கன்னடம் மொழிகளில் ஜூன் 5-ம் தேதி வெளியாகவுள்ளது.

படத்தின் புரோமோஷன் பணிகள் மீண்டும் தொடங்கப்பட்ட நிலையில், அதன் ஒரு பகுதியாக கமல்ஹாசன், சிலம்பரசன், ஏ.ஆர்.ரஹ்மான் மூவரும் எடுத்துக்கொண்ட செல்ஃபி சமூக வலைதளங்களில் வைரலாகி வருகிறது.