வசந்தபாலன் இயக்கத்தில் ‘அநீதி’... டிரெய்லர் குறித்த அறிவிப்பு !

 வசந்தபாலன் இயக்கத்தில் உருவாகியுள்ள ‘அநீதி’ படத்தின் முக்கிய அறிவிப்பு வெளியாகியுள்ளது. 

‘கைதி’, ‘மாஸ்டர்’ ஆகிய படங்களில் வில்லனாக நடித்த அர்ஜூன் தாஸ் கதாநாயகனாக நடித்துள்ள திரைப்படம் ‘அநீதி’. இந்த படத்தில் அர்ஜூன் தாஸுக்கு ஜோடியாக துஷாரா விஜயன் நடித்துள்ளார். இவர்களுடன் வனிதா விஜயகுமார், நடிகர் அர்ஜுன் சிதம்பரம், சுரேஷ்சக்ரவர்த்தி, அறந்தாங்கி நிஷா, காளி வெங்கட், டி.சிவா உள்ளிட்டோர் நடித்துள்ளனர். 

வெயில், அங்காடி தெரு உள்ளிட்ட படங்கள் மூலம் கவனம் பெற்ற வசந்தபாலன் இந்த படத்தை இயக்கியுள்ளார்.  இந்த படத்திற்கு ஜிவி பிரகாஷ் இசையமைத்துள்ளார். இயக்குனர் ஷங்கரின் எஸ் பிக்சர்ஸ் மற்றும் வசந்தபாலனின் அர்பன் பாய்ஸ் நிறுவனம் இணைந்து இப்படத்தை தயாரித்துள்ளனர். 

வித்தியாசமான கதைக்களத்தில் உருவாகியுள்ள இப்படம் வரும் ஜூலை 21-ஆம் தேதி வெளியாகும் என அறிவிக்கப்பட்டுள்ளது. சமீபத்தில் இப்படத்தின் டீசர் வெளியாகி வரவேற்பை பெற்றது. இதையடுத்து தற்போது டிரெய்லர் குறித்த அறிவிப்பு வெளியாகியுள்ளது. அதன்படி இப்படத்தின் டிரெய்லர் நாளை மாலை 6 மணிக்கு வெளியாகும் என அறிவிக்கப்பட்டுள்ளது.