லியோவுக்கு புதிய பிரச்சனை... தெலுங்கில் படத்தை வெளியிட தடை...
லியோ படத்தை தெலுங்கு மொழியில் வெளியிட, அம்மாநில உயர்நீதிமன்றம் தடை விதித்துள்ளது.
விஜய் நடிப்பில் உருவாகியிருக்கும் திரைப்படம் லியோ. லோகேஷ் கனகராஜ் இயக்கும் இப்படத்தை லலித்குமார் தயாரிக்கிறார். படத்தில் அர்ஜூன், த்ரிஷா, கவுதம் மேனன், பிரியா ஆனந்த், மிஸ்கின், சாண்டி மாஸ்டர் ஆகியோர் முக்கிய கதாபாத்திரங்களில் நடிக்கின்றனர். படத்திற்கு அனிருத் இசை அமைக்கிறார். படத்திலிருந்து மூன்று பாடல்கள் மற்றும் முன்னோட்டம் வெளியாகி ரசிகர்களிடையே பெரும் வரவேற்பை பெற்றன. இதைத் தொடர்ந்து நாளை மறுநாள் படம் வெளியாக உள்ளது.
இந்நிலையில், லியோ படத்திற்கு புதிய பிரச்சனை உருவாகியுள்ளது. தெலுங்கு மொழியில் படத்தை வெளியிட தடை விதிக்கப்பட்டுள்ளது. படத்தின் தலைப்பு தொடர்பாக டி ஸ்டுடியோஸ் தொடுத்த வழக்கில், லியோ படத்தை வெளியிட தடை விதித்து தெலங்கானா உயர்நீதிமன்றம் உத்தரவிட்டுள்ளது.
