விறுவிறுப்பாக படமாகும் ‘புஷ்பா 2’... அல்லு அர்ஜூன் படத்தின் புதிய அப்டேட்

அல்லு அர்ஜூன் நடிப்பில் உருவாகி வரும் ‘புஷ்பா 2’ படத்தின் புதிய அப்டேட் வெளியாகியுள்ளது. 

செம்மரக் கடத்தலை மையமாக வைத்து வெளியாகி சூப்பர் ஹிட்டடித்த ‘புஷ்பா’ படத்தின் முதல் பாகத்தின் வெற்றியை தொடர்ந்து இரண்டாவது பாகம் உருவாகி வருகிறது. தெலுங்கு நடிகர் அல்லு அர்ஜூன் மிரட்டலான நடிப்பில் உருவாகி வரும் இப்படத்தை இயக்குனர் சுகுமார் இயக்கி வருகிறார். ‘புஷ்பா தி ரூல்’ என்ற தலைப்பில் உருவாகும் இந்த படத்தின் கிளிம்ப்ஸ் வீடியோ வெளியாகி ரசிகர்களின் வரவேற்பை பெற்றது. 

முதல் பாகத்தில் நடித்த பகத் பாசில், ராஷ்மிகா உள்ளிட்டோர் இரண்டாம் பாகத்திலும் நடிக்கின்றனர். இந்த படத்திற்கு தேவி ஸ்ரீபிரசாத் இசையமைத்து வருகிறது. பான் இந்தியா படமாக மிகவும் பிரம்மாண்டமாக இப்படம் உருவாகி வருகிறது. இப்படத்தின் படப்பிடிப்பு பல கட்டங்களாக நடைபெற்று வருகிறது. முதல் பாகத்தை விட இரண்டாம் பாகம் மிகவும் பிரம்மாண்டமாக உருவாகி வருகிறது. 

சமீபத்தில் நடிகர் பகத் பாசில் தனது பகுதி படப்பிடிப்பை நிறைவு செய்தார். இந்நிலையில் இப்படத்தின் படப்பிடிப்பு ஐதராபாத்தில் விறுவிறுப்பாக படமாக்கப்பட்டு வருகிறது. இதுவரை 40 சதவீத படப்பிடிப்பு நிறைவு பெற்றுள்ள நிலையில் அடுத்த கட்ட படப்பிடிப்பு வேகமாக நடைபெற்று வருகிறது. அல்லு அர்ஜூன் சினிமா கெரியரில் மிக முக்கியமான படமாக உருவாகும் இப்படம் அடுத்த மார்ச் மாதம் வெளியிட திட்டமிடப்பட்டுள்ளது. இதற்கிடையே இந்த படத்தின் முதல் பாகத்திற்கு தேசிய விருது அறிவிக்கப்பட்டுள்ளது என்பது குறிப்பிடத்தக்கது.