அனிமல் திரைப்படத்தின் டீசர் தேதி அறிவிப்பு

ரன்பீர் கபூர் நாயகனாக நடித்துள்ள அனிமல் திரைப்படத்தின் முன்னோட்டம் வெளியாகும் தேதி அறிவிக்கப்பட்டுள்ளது.

அர்ஜூன் ரெட்டி படத்திற்கு பிறகு சந்தீப் ரெட்டி வங்கா இயக்கத்தில் இந்தியில் உருவாகி வரும் திரைப்படம் அனிமல். இப்படத்தில், ரன்பீர் கபூர் நாயகனாக நடிக்கிறார். அவருக்கு ஜோடியாக ராஷ்மிகா மந்தனா நடிக்கிறார். அனில் கபூர், பாபி தியோல் ஆகியோர் முக்கிய கதாபாத்திரங்களில் நடிக்கின்றனர்.

சைக்கோ கேங்ஸ்டர் கதைக்களத்தில் உருவாகும் இப்படத்தை டி சீரிஸ் நிறுவனம் தயாரிக்கிறது. ஹஸ்வர்தன் ராமேஸ்வர் படத்திற்கு இசை அமைக்கிறார். இப்படத்தின் முதல் தோற்றம் ஏற்கனவே வெளியான நிலையில், தற்போது வரும் 28-ம் தேதி டீசர் வெளியாகும் என படக்குழு அறிவித்துள்ளது. டிசம்பர் 1-ம் தேதி தமிழ், தெலுங்கு, மலையாளம், இந்தி உள்ளிட்ட மொழிகளில் இத்திரைப்படம் வெளியாகிறது.