அனிமல் படத்தின் டப்பிங் பணிகள் தீவிரம்
![அனிமல் படத்தின் டப்பிங் பணிகள் தீவிரம்](https://ttncinema.com/static/c1e/client/88252/uploaded/024e74d5e52e1df69831b5aa44558584.jpg)
அர்ஜூன் ரெட்டி படத்திற்கு பிறகு சந்தீப் ரெட்டி வங்கா இயக்கத்தில் இந்தியில் உருவாகி வரும் திரைப்படம் அனிமல். இப்படத்தில், ரன்பீர் கபூர் நாயகனாக நடிக்கிறார். அவருக்கு ஜோடியாக ராஷ்மிகா மந்தனா நடிக்கிறார். அனில் கபூர், பாபி தியோல் ஆகியோர் முக்கிய கதாபாத்திரங்களில் நடிக்கின்றனர். சைக்கோ கேங்ஸ்டர் கதைக்களத்தில் உருவாகும் இப்படத்தை டி சீரிஸ் நிறுவனம் தயாரிக்கிறது. ஹஸ்வர்தன் ராமேஸ்வர் படத்திற்கு இசை அமைக்கிறார். இப்படத்தின் முதல் தோற்றம் மற்றும் டீசர் ஏற்கனவே வெளியாகி சமூக வலைதளங்களில் வரவேற்பை பெற்று வருகிறது.
இந்நிலையில், அனிமல் படத்தின் டப்பிங் பணிகள் விறுவிறுப்பாக நடைபெற்று வருகின்றன. கன்னடம், இந்தி, தெலுங்கு ஆகிய மொழிகளுக்கு நடிகை ராஷ்மிகாவே தனது சொந்த குரலில் டப்பிங் கொடுத்துள்ளார். வரும் டிசம்பர் 1-ம் தேதி அனிமல் திரைப்படம் திரையரங்குகளில் வெளியாகிறது.