ஓடிடி-ல மட்டும் இல்ல… தியேட்டரிலும் ரிலீஸ் ஆகும் லக்ஷ்மி பாம்ப்!
ராகவா லாரன்ஸ் இயக்கத்தில் அக்ஷய் குமார் நடித்துள்ள ‘லக்ஷ்மி பாம்ப்’ படம் ஓடிடி மற்றும் தியேட்டர்கள் இரண்டிலும் வெளியாவதாக அறிவிக்கப்பட்டுள்ளது.
ராகவா லாரன்ஸ் நடித்து இயக்கிய காஞ்சனா தமிழில் மாபெரும் வெற்றி பெற்றது. பின்னர் ராகவா லாரன்ஸ் ஹிந்தியில் அக்ஷய் குமாரை வைத்து ‘லக்ஷ்மி பாம்ப்’ என்ற பெயரில் ரீமேக் செய்துள்ளார். இப்படத்தில் கியாரா அத்வானி கதாநாயகியாக நடித்துள்ளார்.
முன்னதாக லக்ஷ்மி பாம்ப் படம் செப்டம்பர் 9-ம் தேதி ஹாட்ஸ்டாரில் ரிலீஸ் ஆக இருப்பதாக அறிவித்திருந்தனர். பின்னர் படக்குழு டிஜிட்டல் வெளியீடு முடிவை கைவிட்டு படத்தை தியேட்டர்களில் ரிலீஸ் செய்ய இருப்பதாக செய்திகள் வெளியானது.
பின்னர் லக்ஷ்மி பாம்ப் திரைப்படம் டிஸ்னி ஹாட் ஸ்டாரில் நவம்பர் 9-ம் தேதி வெளியாக இருப்பதாக அதிகாரபூர்வமாக அறிவிக்கப்பட்டது.
தற்போது லக்ஷ்மி பாம்ப் திரைப்படம் நவம்பர் 9-ம் தேதி எல்லா நாடுகளிலும் ஓடிடி-யிலும் ஆஸ்திரேலியா, நியூஸிலாந்து மற்றும் ஐக்கிய அரபு நாடுகளில் தியேட்டர் மற்றும் ஓடிடி-களில் சேர்ந்து வெளியாக இருப்பதாகத் தெரிவிக்கப்பட்டுள்ளது.
