காதல் ரொமான்ஸில் உருவாகியுள்ள 'ஹையோடா'... 'ஜவான்' செகண்ட் சிங்கள் அப்டேட்

'ஜவான்' படத்தில் இரண்டாவது பாடம் குறித்த அறிவிப்பு வெளியாகி உள்ளது. 

'பதான்' திரைப்படத்திற்குப் பிறகு ஷாருக்கான் நடிப்பில் உருவாகியுள்ள திரைப்படம் 'ஜவான்'. தமிழ், தெலுங்கு, இந்தி என மூன்று மொழிகளில் உருவாகியுள்ள இந்த படம் வரும் செப்டம்பர் 1-ஆம் தேதி உலகம் முழுவதும் உள்ள திரையரங்குகளில் வெளியாகவுள்ளது. இந்த படத்திற்கு தற்போது பாலிவுட்டில் எதிர்பார்ப்பை ஏற்படுத்தியுள்ளது.  

இந்த படத்தில் ஷாருக்கானுக்கு ஜோடியாக நயன்தாரா நடித்துள்ளார். நடிகை தீபிகா படுகோனே சிறப்பு தோற்றத்தில் நடித்துள்ளார். இவர்களுடன் விஜய் சேதுபதி, சான்யா மல்ஹோத்ரா, ப்ரியா மணி, சுனில் குரோவர், யோகிபாபு உள்ளிட்டோர் முக்கிய கதாபாத்திரங்களில் நடித்துள்ளனர். இப்படத்தை ரெட் சில்லிஸ் எண்டர்டெயின்மெண்ட் நிறுவனம் சார்பில் ஷாருக்கானின் மனைவி கௌரி கான் தயாரித்து வருகிறார். 

அனிருத் இசையில் இப்படத்தின் முதல் பாடல் சமீபத்தில் வெளியாகி நல்ல வரவேற்பைப் பெற்றது. இந்நிலையில் இப்படத்தின் இரண்டாவது பாடல் குறித்த அறிவிப்பு வெளியாகி உள்ளது. 'ஹையோடா' என தொடங்கும் அந்த பாடல் காதல் ரொமான்ஸில் உருவாகியுள்ளது. இந்த பாடலை அனிருத் மற்றும் பிரியா மாலி இணைந்து பாடியுள்ளனர். பிரபல நடன இயக்குனர் ஃபாரா கான் நடனம் அமைத்துள்ள இந்த பாடல் வரவேற்பை பெற்றுள்ளது. இந்த பாடலுக்காக மும்பையில் நான்கு பிரம்மாண்டமான செட் அமைக்கப்பட்டு படமாக்கப்பட்டது என்பது குறிப்பிடத்தக்கது.