மிஷன் சிண்ட்ரெல்லா... ராட்சசன் இந்தி ரீமேக்... லண்டனில் துவங்கியது!

'ராட்சசன்' படத்தின் இந்தி ரீமேக் லண்டனில் துவங்கியுள்ளது. 

2018-ம் ஆண்டு ராம்குமார் இயக்கத்தில் விஷ்ணு விஷால் நடிப்பில் வெளியான 'ராட்சசன்' திரைப்படம் சூப்பர் ஹிட் வெற்றி பெற்றது. அந்தப் படத்தில் அமலா பால் கதாநாயகியாக நடித்திருந்தார். விஷ்ணு விஷாலின் சினிமா கேரியரில் மிக முக்கிய படமாக அமைந்தது ராட்சசன். இந்தியாவின் மிகச்சிறந்த சைக்கோ திரில்லர் படங்களில் ராட்சசனுக்கு முதலிடம் கொடுக்கலாம். 

பின்னர் ராட்சசன் திரைப்படம் பெல்லம்கொண்டா சீனிவாஸ் மற்றும் அனுபமா பரமேஸ்வரன் நடிப்பில் தெலுங்கிலும் ரீமேக் ஆகி ஹிட் ஆனது. தற்போது ராட்சசன் இந்தியிலும் ரீமேக் ஆக உள்ளது.

அக்ஷய் குமார், ராட்சசன் இந்தி ரீமேக்கில் கதாநாயகனாக நடிக்கிறார். நடிகை ரகுல் ப்ரீத் சிங் அந்தப் படத்தில் கதாநாயகியாக நடிக்கிறார். அக்ஷய் குமாரின் பெல்பாட்டம் படத்தை இயக்கிய ரஞ்சித் எம் திவாரி தான் ராட்சசன் இந்தி ரீமேக்கையும் இயக்க உள்ளார். பூஜா என்டேர்டைன்மெண்ட் நிறுவனம் இந்தப் படத்தைத் தயாரிக்க உள்ளனர். படத்திற்கு மிஷன் சிண்ட்ரெல்லா என்று தலைப்பு வைத்துள்ளனர். 

இந்தப் படத்தின் படப்பிடிப்பு சமீபத்தில் லண்டனில் துவங்கியுள்ளத்து. அந்தப் புகைப்படங்கள் இணையத்தில் வைரலாகி வருகின்றன.