ஷாருக்கானின் டன்கி படத்தின் முன்பதிவில் தொய்வு
![ஷாருக்கானின் டன்கி படத்தின் முன்பதிவில் தொய்வு](https://ttncinema.com/static/c1e/client/88252/uploaded/edd898cbf1a9794f013391bce7524c6c.jpg)
அட்லீ இயக்கத்தில் ஷாருக்கான் நடிப்பில் செப்டம்பர் மாதம் திரையரங்குகளில் வெளியான திரைப்படம் ஜவான். இப்படத்தில் நயன்தாரா, விஜய் சேதுபதி, பிரியாமணி, தீபிகா படுகோன் ஆகியோர் முக்கிய கதாபாத்திரங்களில் நடித்திருந்தனர். படத்திற்கு அனிருத் இசை அமைத்திருந்தார். இத்திரைப்படம் ஆயிரத்து நூறு கோடி ரூபாய்க்கு மேல் வசூலை அள்ளியது. ஜவான் படத்தை தொடர்ந்து ஷாருக்கான் நடித்துள்ள படம் டன்கி. இந்த படத்தில் இயக்குநர் ராஜ்குமார் ஹிரானியுடன் கைகோர்த்துள்ளார். இந்த படத்தில் ஷாருக்கானுக்கு ஜோடியாக டாப்சி நடித்துள்ளார். இவர்களுடன் இணைந்து சதீஷ் ஷா, விக்கி கௌஷல், தியா மிர்சா ஆகியோர் நடித்துள்ளனர். இத்திரைப்படம் நாளை மறுநாள் திரையரங்குகளில் வெளியாக உள்ளது.
இந்நிலையில், படத்தின் முன்பதிவில் தொய்வு அடைந்துள்ளது. இப்படத்தின் ப்ரீ புக்கிங் 10 கோடி ரூபாய் வசூல் செய்து இருப்பதாக தகவல் வெளியாகியுள்லது. இந்த படத்திற்கு ப்ரீ புக்கிங் எதிர்பார்த்த அளவு வரவேற்பை பெறததால், ரசிகர்களிடையே குழப்பம் நீடிக்கிறது.