முழுக்க முழுக்க பிரம்மாண்டம்... வியக்க வைக்கும் 'பிரம்மாஸ்திரா' பட ட்ரைலர்!

ரன்பீர் கபூர், ஆலியா பட், அமிதாப் பச்சன், நாகார்ஜூனா நடிப்பில் உருவாகி வரும் 'பிரம்மாஸ்த்ரா' படத்தின் ட்ரைலர் வெளியாகியுள்ளது. 

ரன்பிர் கபூர் மற்றும் ஆலியா பட் நடிப்பில் 'பிரம்மாஸ்த்ரா' என்ற திரைப்படம் உருவாகி வருகிறது. இந்தப் படத்தில் அமிதாப் பச்சன், மௌனி ராய் மற்றும் நாகார்ஜுனா அக்கினேனி ஆகியோரும் முக்கியக் கதாபாத்திரத்தில் நடித்துள்ளனர்.  பெரிய பட்ஜெட்டில் இந்தியாவின் பிரம்மாண்ட படைப்பாக இந்தப் படம் உருவாகி வருகிறது. 

'பிரம்மாஸ்த்ரா'. Fox Star Studios, Dharma Productions, Prime Focus மற்றும் Starlight Pictures இணைந்து இப்படத்தை தயாரித்துள்ளனர். இந்தப் படம் இந்தி, தமிழ், தெலுங்கு, மலையாளம் மற்றும் கன்னடம் ஆகிய 5 மொழிகளில் வரும் செப்டம்பர் மாதம் 9-ம் தேதி திரையரங்குகளில் வெளியாகிறது. 2022 ஆம் ஆண்டில் இந்திய ரசிகர்களால் மிகவும் எதிர்பார்க்கப்படும் திரைப்படமாக மாறியுள்ளது

தற்போது 'பிரம்மாஸ்த்ரா' படத்தின் ட்ரைலர் வெளியாகியுள்ளது. நிலம், நீர், நெருப்பு, காற்று, ஆகாயம் என பஞ்ச பூதங்களின் அதீத சக்திகள் கொண்ட மனிதர்கள் இடையே நடக்கும் போர் பேண்டஸி திரைப்படமாக உருவாகியுள்ளது. மார்வெல் படங்களுக்கு இணையான உருவாக்கத்தை ட்ரைலரில் காண முடிகிறது. உலகளவில் இந்திய சினிமாவின் பெருமையாக இப்படம் அமையும் என்பது உறுதி!