இந்தியில் ரீமேக் ஆகிவரும் 'விக்ரம் வேதா' படத்தின் ரிலீஸ் தேதி அப்டேட்!

‘விக்ரம் வேதா’ இந்தியில் ரீமேக் படத்தின் ரிலீஸ் அப்டேட் கிடைத்துள்ளது. 

விஜய் சேதுபதி மற்றும் மாதவன் கூட்டணியில் வெளியாகி பெரும் வெற்றி பெற்ற படம் ‘விக்ரம் வேதா’. கடந்த 2017ம் ஆண்டு வெளியான இப்படத்தை புஷ்கர் காயத்ரி இயக்கியிருந்தனர். ஷ்ரத்தா ஸ்ரீநாத், வரலட்சுமி சரத்குமார், கதிர் ஆகியோர் முக்கிய கதாபாத்திரங்களில் நடித்திருந்த இப்படம் விமர்சன ரீதியாகவும்,  வசூல் ரீதியாகவும் மாபெரும் வெற்றிப்பெற்றது.  

தற்போது இந்தப் படம் இந்தியில் ரீமேக் ஆகி வருகிறது. தமிழில் இயக்கிய புஷ்கர்- காயத்ரியே இந்தி படத்தையும் இயக்கவுள்ளனர். இப்படத்தில் விஜய் சேதுபதி கேரக்டரில் ஹிரித்திக் ரோஷனும், மாதவன் கேரக்டரில் சயீப் அலிகானும் நடிக்க ஒப்பந்தம் செய்யப்பட்டுள்ளனர்.  

கடந்த 27 நாட்களாக இந்தப் படத்தின் படப்பிடிப்பு அபுதாபியில் நடைபெற்று வந்தது. தற்போது படத்தின் அடுத்த கட்ட படப்பிடிப்பு லக்னோவில் நடைபெற்று வருகிறது. இந்தப் படம் அடுத்த ஆண்டு செப்டம்பர் மாதம் 22-ம் தேதி வெளியாக இருப்பதாகவும் தெரிவிக்கப்பட்டுள்ளது.