பொங்கல் ரேஸில் இணைந்த விஜய் சேதுபதியின் ‘மெரி கிறிஸ்துமஸ்’.

இந்தி மற்றும் தமிழ் மொழிகளில் உருவாகியுள்ள ‘மெரி கிறிஸ்துமஸ்’ படத்தின் ரிலீஸ் தேதி மீண்டும் ஒரு முறை மாற்றப்பட்டுள்ளது.

நடிகர் விஜய் சேதுபதி மற்றும் கத்ரினா கைஃப் இணைந்து நடித்துள்ள படம் ‘மெரி கிறிஸ்துமஸ்’. இந்த படத்தை ‘அந்தாதுன்’ பட இயக்குநரான ஸ்ரீராம் ராகவன் இயக்கியுள்ளார். இந்தப்படத்தில் ராதா சரத்குமார், சஞ்சய் கபூர், தினு ஆனந்த் ஆகியோர் நடித்துள்ளனர்.  ‘மெரி கிறிஸ்துமஸ்’ படம் கடந்த ஆண்டு டிசம்பர் மாதம் வெளியாகும் என அறிவிக்கப்பட்ட நிலையில் சில பல காரணங்களால் வெளியீடு தள்ளிப்போனது.  அதன் பின்னர் டிசம்பர் 15, டிசம்பர் 8 என மாற்றப்பட்ட நிலையில் தற்போது படம் அடுத்த ஆண்டு பொங்கலை முன்னிட்டு வெளியாகும் என தெரிகிறது.

அதாவது படம் ஜனவரி மாதம் 12ஆம் தேதி படம் வெளியாகும் என அறிவித்து போஸ்டர் வெளியிட்டுள்ளனர் படக்குழுவினர். இதனை அறிந்த ரசிகர்கள் இந்த தேதியிலாவது படம் வெளியாகுமா? என கிண்டலடித்து வருகின்றனர்.