டெல்லியைச் சேர்ந்த 22 வயது இளம் பாடகர் மறைவு!

டெல்லியைச் சேர்ந்த இளம் பாடகர் ஷீல் சாகர் காலமானார். அவருக்கு வயது 22.

டெல்லியை சேர்ந்த இளம் இண்டிபெண்டன்ட் பாடலாசிரியரும் இசையமைப்பாளருமான ஷீல் சாகர் காலமானார். அவரது மரணத்திற்கான காரணம் இன்னும் தெரிவிக்கப்படவில்லை. அவரது மறைவை அவரது நண்பர்களும் குடும்பத்தினரும் உறுதிப்படுத்தியுள்ளனர்.  இவரது இசையில் வெளியான முதல் பாடலான ‘நான் முயன்றால்’ பாடல் பலரது பாரட்டுகளை பெற்றது.

'பிஃபோர் இட் கோஸ்', 'ஸ்டில்' மற்றும் 'மிஸ்டர் மொபைல் மேன் - லைவ்' பல ஹிட் ஆல்பங்களை கொடுத்துள்ளார். இவருக்கு ஏராளமான ரசிகர்கள் உள்ளனர். இந்நிலையில் அவரது மறைவு பெரும் சோகத்தை ஏற்படுத்தியுள்ளது. அவரின் மறைவுக்கு ரசிகர்கள் பலர் அஞ்சலி செலுத்தி வருகின்றனர்.

சில தினங்களுக்கு இந்திய அளவில் பிரபலமான பாடகர் கிருஷ்ணகுமார் குன்னத் மாரடைப்பால் மரணமடைந்தது பெரும் துயரத்தை ஏற்படுத்தியது.