‘மதராஸி’ படத்தின் முதல் பாடலுக்கான ப்ரோமோ வெளியானது!

சிவகார்த்திகேயன் நடித்த ’மதராஸி’ படத்தின் முதல் பாடல் வரும் 31ம் தேதி வெளியாகிறது.

தமிழ் சினிமாவில் அனைவராலும் கொண்டாடப்படும் நடிகர் சிவகார்த்திகேயன். சமீபத்தில் இவரது நடிப்பில் வெளியான அமரன் படம் மிகப்பெரிய வெற்றிப்படமாக அமைந்தது. பிரபல இயக்குனர் ஏ.ஆர். முருகதாஸ் இயக்கத்தில் சிவகார்த்திகேயன் தனது 23-வது படமான ‘மதராஸி’ திரைப்படத்தில் நடித்து வருகிறார். இந்த படத்தில் சிவகார்த்திகேயனுடன் இணைந்து ருக்மினி வசந்த், விக்ராந்த், வித்யூத் ஜம்வால், பிஜு மேனன், டான்சிங் ரோஸ் சபீர் ஆகியோர் முக்கிய கதாபாத்திரங்களில் நடித்துள்ளனர். இந்த படத்தை ஸ்ரீ லட்சுமி மூவிஸ் நிறுவனம் தயாரிக்க அனிருத் இதற்கு இசை அமைத்திருக்கிறார். ‘மதராஸி’ திரைப்படம் வருகிற செப்டம்பர் 5ம் தேதி திரையரங்குகளில் வெளியாகும் என படக்குழு அறிவித்தது. இப்படத்திற்கு அனிருத் இசையமைத்துள்ளார்.

இந்நிலையில் ’மதராஸி’ படத்தின் முதல் பாடலான ‘சலம்பல’ ப்ரோவை படக்குழு வெளியிட்டுள்ளது. சூப்பர் சுப்பு எழுத்தில் சாய் அபியங்கர் குரலில், வரும் 31ம் தேதி மாலை ஆறு மணிக்கு இப்பாடல் வெளியாகிறது.