ஒரு வழியாக படப்பிடிப்பை முடித்த ஜெயம் ரவி... ‘இறைவன்’ படத்தின் முக்கிய அப்டேட் வெளியீடு !
ஜெயம் ரவி நடிப்பில் உருவாகி வந்த ‘இறைவன்’ படத்தின் முக்கிய அப்டேட் ஒன்று வெளியாகியுள்ளது.
‘பொன்னியின் செல்வன்’ படத்திற்கு பிறகு ஜெயம் ரவியின் நடிப்பில் உருவாகும் திரைப்படங்களுக்கு பெரிய எதிர்பார்ப்பு ஏற்பட்டுள்ளது. இந்த படத்திற்கு ‘அகிலன்’ படத்தில் நடித்து வந்த ஜெயம் ரவி சமீபத்தில் ‘இறைவன்’ படத்தில் இணைந்தார். இந்த படத்தை என்றென்றும் புன்னகை, மனிதன் உள்ளிட்ட படங்களை இயக்கிய அஹமத் இயக்கி வந்தார்.
‘தனி ஒருவன்’ படத்திற்கு பிறகு ஜெயம் ரவிக்கு ஜோடியாக நயன்தாரா இந்த படத்தில் நடித்துள்ளார். இந்தப் படத்திற்கு யுவன் ஷங்கர் ராஜா இசையமைக்கிறார். கடந்த சில மாதங்களுக்கு முன்பு இந்த படத்தின் படப்பிடிப்பு தொடங்கியது. புதுச்சேரியில் தொடங்கிய இந்த படப்பிடிப்பு பல கட்டங்களாக நடைபெற்று வந்தது.
இதையடுத்து கடந்த தீபாவளிக்கு வெளியிட திட்டமிடப்பட்ட இப்படம் படப்பிடிப்பு நிறைவுபெறாததால் தள்ளி வைக்கப்பட்டது. இந்நிலையில் இப்படத்தின் படப்பிடிப்பை ஒரு வழியாக படக்குழுவினர் முடித்துள்ளனர். இது குறித்து அதிகாரப்பூர்வ அறிவிப்பையும் வெளியிட்டுள்ளனர். உடனடியாக தயாரிப்பு பணிகளை தொடங்க திட்டமிட்டுள்ள படக்குழு, ஜெயம் ரவியின் ‘அகிலன்’ படத்திற்கு பிறகு அடுத்த ஆண்டு வெளியிட முடிவு செய்துள்ளனர்.
