ஜெயம் ரவியின் நடிப்பில் உருவாகும் ‘சைரன்’.. படப்பிடிப்பு குறித்து முக்கிய அப்டேட் !
ஜெயம் ரவி நடிப்பில் உருவாகும் ‘சைரன்’ படத்தின் முக்கிய அப்டேட் வெளியாகியுள்ளது.
‘பொன்னியின் செல்வன்’, ‘அகிலன்’ ஆகிய படங்களுக்கு பிறகு ஜெயம் ரவி நடிக்கும் திரைப்படம் ‘சைரன்’. இரும்புத்திரை, விஸ்வாசம், ஹீரோ ஆகிய படங்களில் உதவி இயக்குனராக பணியாற்றிய ஆண்டனி பாக்யராஜ் இப்படத்தை இயக்கி வருகிறார். பிரம்மாண்டமாக தயாராகும் இப்படத்தை ஹோம் மூவி மேக்கர்ஸ் சார்பில் சுஜாதா விஜயகுமார் தயாரித்து வருகிறார்.
இந்த படத்தில் கீர்த்தி சுரேஷ் மற்றும் அனுபமா என இரு கதாநாயகிகள் நடித்து வருகின்றனர். மேலும் இந்த படத்தில் யோகிபாபு, சமுத்திரகனி ஆகியோர் முக்கிய கதாபாத்திரங்களில் நடித்து வருகின்றனர். ஜிவி பிரகாஷ் இசையமைக்கும் இப்படத்திற்கு செல்வகுமார் ஒளிப்பதிவு செய்து வருகிறார்.
இந்த படத்தில் வித்தியாசமான தோற்றத்தில் ஜெயம் ரவி நடித்து வருகிறார். ஆக்ஷன் த்ரில்லர் பாணியில் உருவாகும் இந்த படத்தின் மோஷன் போஸ்டர் கடந்த மாதம் வெளியாகி படத்திற்கான எதிர்பார்ப்பை எகிற வைத்துள்ளது. இந்நிலையில் இந்த படத்தின் படப்பிடிப்பு கடந்த மாதம் பூஜையுடன் தொடங்கியது. இதையடுத்து தற்போது சென்னையில் விறுவிறுப்பாக நடைபெற்று வருகிறது. இதில் ஜெயம் ரவி நடிக்கும் முக்கிய காட்சிகள் படமாக்கப்பட்டு வருவது குறிப்பிடத்தக்கது.
