ரக்ஷன் படத்தின் படப்பிடிப்பு நிறைவு... கேக் வெட்டி கொண்டாடிய படக்குழுவினர் !

ரக்ஷன் ஹீரோவாக நடிக்கும் படத்தின் படப்பிடிப்பு நிறைவையொட்டி படக்குழுவினர் கேக் வெட்டி கொண்டாடியுள்ளனர். 

விஜய் டிவியின் மூலம் பிரபலமாகும் நட்சத்திரங்கள் சினிமாவில் கலக்கி வருகின்றனர். அந்த வகையில் விஜய் டிவியில் ‘கலக்கப்போவது யாரு’, ‘குக் வித் கோமாளி’ உள்ளிட்ட நிகழ்ச்சிகள் மூலம் ரசிகர்களை கவர்ந்த ரக்ஷன், தற்போது சினிமாவில் ஹீரோவாக கலக்க தொடங்கியுள்ளார். 

கடந்த 2019-ஆம் ஆண்டு தேசிங்கு பெரியசாமி இயக்கத்தில் துல்கர் சல்மான் நடிப்பில் உருவான ‘கண்ணும் கண்ணும் கொள்ளையடித்தால்’ படத்தின் மூலம் நடிகராக அறிமுகமானார் ரக்ஷன். முக்கிய கதாபாத்திரத்தில் நடித்திருந்த அவரின் நடிப்புக்கு ரசிகர்களிடையே நல்ல வரவேற்பு கிடைத்தது. 

இந்த வரவேற்பை அடுத்து புதிய படத்தில் ஹீரோவாக நடித்து வருகிறார். பிரியா எண்டர்டெயின்மெண்ட் மற்றும் குவியம் மீடியா ஒர்க்ஸ் இணைந்து தயாரிக்கும் இந்த படத்தின் அறிவிப்பு கடந்த சில மாதங்களுக்கு முன்பு வெளியானது. இந்த படத்தை இரா.கோ.யோகேந்திரன் என்பவர் இயக்கி வருகிறார்.

இந்த படத்தில் ‘கலக்கப்போவது யாரு’ தீனா, விஷாகா திமான், பிராங்க்ஸடர் ராகுல் உள்ளிட்டோர் முக்கிய கதாபாத்திரங்களில் நடிக்கின்றனர். சச்சின் வாரியர் இசையில் உருவாகி வரும் இந்த படத்திற்கு கோபி துரைசாமி இசையமைக்கிறார். இந்த படத்தின் படப்பிடிப்பு கன்னியாகுமரி உள்ளிட்ட பகுதிகளில் நடைபெற்று வந்தது. இந்நிலையில் இந்த படத்தின் படப்பிடிப்பு நிறைவுபெற்றுள்ளதாக அறிவிக்கப்பட்டுள்ளது. இதையொட்டி படக்குழுவினர் கேக் வெட்டி கொண்டாடிய புகைப்படங்கள் வெளியாகியுள்ளது.