உச்சக்கட்ட சண்டைக்காட்சிகளுடன் படமாகும் ‘தங்கலான்’.. விக்ரம் படத்தின் முக்கிய அப்டேட் !

 விக்ரமின் ‘தங்கலான்’ படத்தின் அடுத்தக்கட்ட படப்பிடிப்பு குறித்து முக்கிய அப்டேட் வெளியாகியுள்ளது. 

பா ரஞ்சித் இயக்கத்தில் விக்ரம் நடிப்பில் உருவாகி வருகிறது ‘தங்கலான்’. சுதந்திரத்திற்கு முந்தைய 18-ஆம் நூற்றாண்டில் கோலார் தங்க சுரங்கத்தில் தமிழர்கள் அடிமைகளாக இருந்ததை மையப்படுத்தி இப்படம் உருவாகி வருகிறது. வித்தியாசமான கதைக்களத்தில் உருவாகும் இப்படம் முழுக்க முழுக்க 3டியில் உருவாகிறது. 

இந்த படத்தில் விக்ரமுடன் இணைந்து மலையாள நடிகைகள் பார்வதி, மாளவிகா மோகனன், பசுபதி உள்ளிட்டோர் முக்கிய கதாபாத்திரங்களில் நடிக்கின்றனர். இப்படத்தை ஞானவேல் ராஜாவின் ஸ்டுடியோ கிரீன் நிறுவனம் பிரம்மாண்டமாக தயாரித்து வருகிறது. இப்படத்திற்கு ஜிவி பிரகாஷ் இசையமைத்து வருகிறார்.

கடந்த மாதம் இப்படத்தின் படப்பிடிப்பு ஆந்திர மாநிலம் கடப்பாவில் தொடங்கியது. 10 நாட்கள் நடைபெற்ற இந்த படப்பிடிப்பில் விக்ரம் நடிக்கும் முக்கிய காட்சிகள் படமாக்கப்பட்டுள்ளது. இந்நிலையில் இந்த படத்தின் அடுத்தக்கட்ட படப்பிடிப்பு நேற்று முன்தினம் மதுரையில் தொடங்கியது. இதில் உச்சக்கட்ட சண்டைக்காட்சிகள் படமாக்கப்பட்டு வருகிறது. படப்பிடிப்பு தளத்திலிருந்து வரும் இந்த தகவல்கள் படத்திற்கான எதிர்பார்பபை கூட்டியுள்ளது.