நிவின் பாலி நடிக்கும் தமிழ் படத்திற்கு தலைப்பு இதுதான்... பிறந்தநாளையொட்டி மோஷன் போஸ்டரும் வெளியீடு !

பிறந்தநாளையொட்டி நிவின் பாலி நடிக்கும் புதிய படத்தின் தலைப்பு அறிவிக்கப்பட்டுள்ளது. 

‘நேரம்’ படத்திற்கு பிறகு பிரபல மலையாள நடிகர் நிவின் பாலி, தனது இரண்டாவது தமிழ் படத்தில் நடித்து வருகிறார். இந்த படத்தை கற்றது தமிழ், தங்கமீன்கள், தரமணி, பேரன்பு உள்ளிட்ட படங்களை இயக்கிய ராம் இயக்கிய வருகிறார். இந்த படத்தில் அஞ்சலி கதாநாயகியாக நடித்து வருகிறார். இவர்களுடன் நடிகர் சூரி முக்கிய கதாபாத்திரத்தில் நடித்து வருகிறார்.

தமிழ் மற்றும் மலையாளம் என இரு  மொழிகளில் உருவாகும் இந்த படத்தை வி ஹவுஸ் புரொடக்ஷன்ஸ் சார்பில் சுரேஷ் காமாட்சி தயாரித்து வருகிறார். யுவன் சங்கர் ராஜா இசையில் பாடல்கள் உருவாகி வருகிறது. இந்த படத்தின் படப்பிடிப்பு சென்னை, தனுஷ்கோடி, வண்டிப்பெரியார், வாகமன் உள்ளிட்ட கேரளா ஒட்டியுள்ள பகுதிகளிலும் நடைபெற்றது.

இதையடுத்து தற்போது விறுவிறுப்பாக படப்பிடிப்பு நடைபெற்று வருகிறது. இந்நிலையில் நடிகர் நிவின் பாலியின் பிறந்தநாளையொட்டி இன்று இப்படத்தின் தலைப்பு வெளியிடப்பட்டுள்ளது. ‘ஏழு கடல் எழு மலை’ என்ற வித்தியாசமான தலைப்பில் உருவாகும் இப்படத்தின் மோஷன் போஸ்டரும் தற்போது வெளியாகியுள்ளது. இந்த போஸ்டர் ரசிகர்களிடையே நல்ல வரவேற்பை பெற்றுள்ளது. இதற்கிடையே இப்படத்தின் படப்பிடிப்பில் நிவின் பாலி, படக்குழுவினருடன் கேக் வெட்டி பிறந்தநாள் கொண்டாடிய புகைப்படங்களும் வெளியாகியுள்ளது.